ବୌଦ୍ଧ,୨୮/୫ – ବୌଦ୍ଧବ୍ଲକ୍ ଖୁଣ୍ଟବନ୍ଧ ଗ୍ରାମ ପଞ୍ଚାୟତ ବ୍ରହ୍ମଚାରୀ ଗ୍ରାମ ମେହେର ସାହିରେ ଆଜି ସନ୍ଧ୍ୟା ପ୍ରାୟ 7 ଘଣ୍ଟା ସମୟରେ ଗ୍ୟାସ୍ ସିଲିଣ୍ଡରରେ ନିଆଁ ଲାଗି ଅଗ୍ନିକାଣ୍ଡ ଘଟିଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ବ୍ରହ୍ମଚାରୀ ମେହେର ସାହିର ସରଜୁ ମେହେରଙ୍କ ଘରେ ସନ୍ଧ୍ୟା ପ୍ରାୟ 7 ଘଣ୍ଟା ସମୟରେ ରୋଷେଇ ଚାଲିଥିବା ବେଳେ ହଠାତ୍ ଗ୍ୟାସ୍ ଷ୍ଟେlଭରେ ପ୍ରଥମେ ଗ୍ୟାସ୍ ଲିକ ହୋଇ ନିଆଁ ଲାଗିଥିଲା ଓ ଚାହୁଁ ଚାହୁଁ ପାଇପ ଦେଇ ଗ୍ୟାସ୍ ସିଲିଣ୍ଡରକୁ ଧରିଥିଲା l ପରିବାର ଓ ପଡୋଶୀ ମିଶି ନିଆଁ ଲିଭାଇବା ପାଇଁ ଚେଷ୍ଟା କରି ନିଆଁକୁ ଆୟତ୍ତ କରି ପାରିନଥିଲେ l ଖବର ପାଇ ବୌଦ୍ଧ ଅଗ୍ନିଶମ ବାହିନୀ ନିଆଁ ଲିଭାଇଥିଲା l ଅଗ୍ନିକାଣ୍ଡରେ ବିଶେଷ କ୍ଷୟକ୍ଷତି ହୋଇ ନଥିବା ବେଳେ ରୋଷେଇ ଘରେ ଥିବା ସାମଗ୍ରୀ ପୋଡି ଯାଇଥିବା ପରିବାର ସୂତ୍ରରୁ ପ୍ରକାଶ l
