ବୌଦ୍ଧ,୧୨/୩ – ବୌଦ୍ଧଜିଲ୍ଲା କୁଶଙ୍ଗ ରେଞ୍ଜ ଅନ୍ତର୍ଗତ ପଦ୍ମତୋଳା ଅଭୟାରଣ୍ୟ ଭିତରେ ନିଆଁ ଲଗାଇଥିବା ଅଭିଯୋଗରେ କୁଶଙ୍ଗ ବନ୍ୟପ୍ରାଣୀ ରେଞ୍ଜ କର୍ମଚାରୀ ମାନେ ୨ଜଣ ବ୍ୟକ୍ତିଙ୍କୁ ଗିରଫ କରିଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ଗତକାଲି ଘୁମୁରୀ ପଡା ଗ୍ରାମର ମୋହନ ଦେହୁରୀ (40) ଓ ଫକୀର ନାଏକ (28) ପଦ୍ମତୋଳା ଅଭୟାରଣ୍ୟ ଭିତରେ ନିଆଁ ଲାଗି ଥିବା ଅଞ୍ଚଳରେ ସନ୍ଦେହ ଜନକ ଭାବେ ବୁଲୁଥିବା ବେଳେ ପେଟ୍ରୋଲିଂ କରୁଥିବା କର୍ମଚାରୀ ମାନେ ତାଙ୍କୁ ଧରିଥିଲେ l ପଚରା ଉଚୁରା ବେଳେ ଉଭୟେ କୌଣସି ସନ୍ତୋଷ ଜନକ ଉତ୍ତର ଦେଇ ପାରିନଥିବାରୁ ତାଙ୍କୁ ଗିରଫ କରା ଯାଇଥିଲା ବୋଲି ରେଞ୍ଜ ଅଧିକାରୀ ପ୍ରଦୀପ ଭୁତିଆ କହିଛନ୍ତି l ଉଭୟ ଅଭିଯୁକ୍ତକୁ ଗୁରୁବାର କୋର୍ଟ ଚାଲାଣ କରାଯାଇଛି |
