ବୌଦ୍ଧ,୨୧/୧୧- ଆଜି ଅପରାହ୍ନରେ ଜାତୀୟ ରାଜପଥ ନମ୍ବର ୫୭ର ଆଡେନିଗଡ୍ ନିକଟ ରାଣୀଗଂଜ ଠାରେ ଗୋଟିଏ ଇଣ୍ଡିକୋ ଓ ହୁଣ୍ଡାଇ କ୍ରେଟା କାର୍ ମଧ୍ୟରେ ଧକ୍କା ହେବାରୁ ଉଭୟ ଗାଡ଼ିର ୩ଜଣ ଯାତ୍ରୀ ଗୁରୁତର ଆହତ ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଆଜି ଅପରାନ୍ହରେ ଭୁବନେଶ୍ବରରୁ କଳାହାଣ୍ଡି ଆଡକୁ ଯାଉଥିବା ଇଣ୍ଡିକୋ ଓଡି ୦୮ ଜି୧୦୦୨ ସହିତ ବୀରମହାରାଜପୁରରୁ ଭୁବନେଶ୍ୱର ଆଡକୁ ଯାଉଥିବା ଏକ ହୁଣ୍ଡାଇ କ୍ରେଟା ଓଡ଼ି ୩୧ ଏଚ ୩୭୭୭ ସହ ପୁରୁଣାକଟକ ଥାନା ଆଡ଼େନିଗଡ଼ ଫାଣ୍ଡି ଅନ୍ତର୍ଗତ ରାଣୀଗଞ୍ଜ ନିକଟରେ ମୁହଁlମୁହିଁ ଧକ୍କା ହୋଇଥିଲା | ଉଭୟ ଗାଡ଼ିରେ ବସିଥିବା ଯାତ୍ରୀଙ୍କ ମଧ୍ୟରୁ 3 ଜଣ ଗୁରୁତର ଆହତ ହୋଇଥିଲେ | ଖବର୍ ପାଇ ଆଡେନିଗଡ ସ୍ବାସ୍ଥ୍ୟ କେନ୍ଦ୍ରର ଡାକ୍ତରୀ ଟିମ ଘଟଣାସ୍ଥଳରେ ପହଂଚି ପ୍ରାଥମିକ ଚିକିତ୍ସା କରିଥିଲେ | ଗୁରୁତର ମାନଙ୍କୁ ୧୦୮ ଆମ୍ବୁଲାନସ୍ ଯୋଗେ ବୌଦ୍ଧ ଡାକ୍ତରଖାନାକୁ ଅଣାଯାଇଥିଲା l
