ବୌଦ୍ଧ/ବାଉଁଶୁଣୀ,୨୯/୫ – ବିଶ୍ୱସ୍ତ ସୁତ୍ରରୁ ଖବର ପାଇ ଗତକାଲି ସନ୍ଧ୍ୟା ପ୍ରାୟ 7 ଘଣ୍ଟା ସମୟରେ ବାଉଁଶୁଣୀ ଥାନା ସାହାଜପାଲ ନିକଟରୁ ଗୋଟିଏ ବାଇଗଣ ବୋଝେଇ ପିକ୍ ଅପ୍ ଗାଡିରୁ ବିପୁଳ ପରିମାଣର ଗଂଜେଇ ଗୋଟିଏ ପିକ୍ ଅପ୍ ଗାଡିରୁ ବାଉଁଶୁଣୀ ପୋଲିସ ଜବତ କରିଥିବା ଜଣା ପଡିଛି l ବାଉଁଶୁଣୀ ଥାନା ଅଧିକାରୀ ସୁବାଷ ରାୟଗୁରୁଙ୍କ ତତ୍ୱାବଧାନରେ ଗଂଜେଇ ସହ ଗାଡିକୁ ନେଇ ବାଉଁଶୁଣୀ ପୋଲିସ ତଦନ୍ତ କରୁଥିବା ଜଣା ପଡିଛି l ଏ ମାମଲାରେ ଗାଡ଼ିରେ ଥିବା ଡ୍ରାଇଭର ସମେତ ମୋଟ୍ 5 ଜଣ ଆନ୍ତଃରାଜ୍ୟ ଗଂଜେଇ ଚାଲାଣକାରୀ ଗିରଫ ହୋଇଛନ୍ତି | ପିକ୍ ଅପ୍ ଗାଡ଼ି ନମ୍ବର୍ WB 95 1694 ରେ ତଳେ ଗଂଜେଇ ରଖି ଉପରେ ବାଇଗଣ ରଖାଯାଇ କଲିକତାକୁ ଯାଉଥିବା ଜଣାପଡିଛି l ପୋଲିସ୍ ଜବତ୍ ଗଂଜେଇର ଫଟୋ ଓ ସବିଶେଷ ସୂଚନା ଗଣମାଧ୍ୟମକୁ ଦେବାକୁ ମନା କରୁଥିବା ଯୋଗୁଁ ପରେ ଏ ସମ୍ପର୍କରେ ସବୁ ସ୍ପଷ୍ଟ ହେବ ବୋଲି ଆଶା କରାଯାଉଛି l
