ବୌଦ୍ଧ,୧୧/୩ – ଆଜି ସନ୍ଧ୍ୟାରେ ମନମୁଣ୍ଡା – କଣ୍ଟାମାଳ ରାସ୍ତାର ଦେଉଳି ମଦ ଭାଟି ନିକଟରେ ଗୋଟିଏ ବାଇକ ଓ ଅଟୋ ମଧ୍ୟରେ ଧକ୍କା ହୋଇ ଦୁର୍ଘଟଣା ହେବାରୁ ଦୁଇ ଜଣ ଗୁରୁତର ଆହତ ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଆଜି ସନ୍ଧ୍ୟାରେ ମନମୁଣ୍ଡାରୁ ବାଇକ ଯୋଗେ ବରଗାଁ ଗ୍ରାମର ମକାରୁ ପ୍ରଧାନ ନିଜ ଗାଆଁକୁ ଯାଉଥିବା ବେଳେ ମନମୁଣ୍ଡା – କଣ୍ଟାମାଳ ରାସ୍ତାର ଦେଉଳି ମଦ ଭାଟି ନିକଟରେ ବିପରୀତ ଦିଗରୁ ଆସୁଥିବା ଏକ ଯାତ୍ରୀବାହୀ ଅଟୋ ଧକ୍କା ଦେଇଥିଲା l ଦୁର୍ଘଟଣାରେ ବାଇକ ଆରୋହୀ ଗୁରୁତର ଆହତ ହୋଇଥିବା ବେଳେ ଅଟୋରେ ବସିଥିବା ଜଣେ ଜଣେ ଯାତ୍ରୀ ଛିଟିକି ତଳେ ପଡି ଯାଇଥିଲେ l ଦୁର୍ଘଟଣା ପରେ ଅଟୋ ଫେରାର ମାରିଥିଲା l ସ୍ଥାନୀୟ ଲୋକେ ଉଭୟ ଆହତଙ୍କୁ 108 ଆମ୍ବୁଲାନସ୍ ଯୋଗେ ମନମୁଣ୍ଡା ଡାକ୍ତରଖାନାକୁ ପଠାଇଥିଲେ l ଅଟୋ କିମ୍ବା ଅଟୋରୁ ଖସି ପଡିଥିବା ଯାତ୍ରୀଙ୍କ ପରିଚୟ ମିଳିପାରି ନାହିଁ | ମନମୁଣ୍ଡା ପୋଲିସ୍ ଘଟଣା ସ୍ଥଳରେ ପହଂଚି ତଦନ୍ତ କରୁଥିବା ଜଣାପଡିଛି l
