ଜି. ଉଦୟଗିରି : ସାରା ବିଶ୍ୱ ଆଜିର ଦିନକୁ ବିଶ୍ୱ ଆଦିବାସୀ ଦିବସ ଭାବେ ପାଳନ କରୁଥିବା ବେଳେ ଜି. ଉଦୟଗିରି ନିଖିଳ ଉତ୍କଳ କୁଇ ସମାଜ ୟୁନିଅନ ତରଫରୁ ବିଶ୍ୱ ଆଦିବାସୀ ଦିବସ ପାଳିତ ହୋଇଛି । ୟୁନିଅନ କାର୍ଯ୍ୟାଳୟରୁ ପାରମ୍ପରିକ ବାଦ୍ୟ ଯନ୍ତ୍ର ସହିତ ସହର ପରିକ୍ରମା ରେ ବାହାରି ଚକରା ବିଶୋଇଙ୍କ ପ୍ରତିମୂର୍ତ୍ତି ପୁଷ୍ପ ମାତ୍ର ପ୍ରଦାନ କରିଥିଲେ କାର୍ଯ୍ୟକର୍ତ୍ତା । ପରେ ସମାଜର ସଭାପତି ଭୀମସେନ ପ୍ରଧାନଙ୍କ ସଭାପତିତ୍ୱରେ ଆୟୋଜିତ ଆଲୋଚନା ଚକ୍ରରେ ମୁଖ୍ୟ ଅତିଥି ଭାବେ ସ୍ଥାନୀୟ ବିଡିଓ ବିଡିଓ ବିଜୟ କୁମାର ପ୍ରଧାନ ଯୋଗ ଦେଇଥିବା ବେଳେ ସମ୍ମାନୀତ ଅତିଥିଭାବେ ବ୍ୟାଙ୍କ ମ୍ୟାନେଜର କୃଷ୍ଣଚନ୍ଦ୍ର ମଲ୍ଲିକ, ନଗର ବିଜେପି ସଭାପତି ଉଦେସନ ପ୍ରଧାନ ଯୋଗ ଦେଇଥିଲେ । ଅନ୍ୟମାନଙ୍କ ମଧ୍ୟରେ କୁଇ ସମାଜର ସାଧାରଣ ସଂପାଦକ ସୁଶାନ୍ତ ପ୍ରଧାନ, ସଂପାଦକ ନରୋତ୍ତମ ପ୍ରଧାନଙ୍କ ସହିତ ବରିଷ୍ଠ ନେତା ମାନ ଗୋବିନ୍ଦ ପ୍ରଧାନ, ଜ୍ଞାନଚନ୍ଦ୍ର ପ୍ରଧାନ ପ୍ରମୁଖ ଉପସ୍ଥିତ ରହିଥିଲେ । ଆଦିବାସୀମାନେ ଆଉ ସବୁ କ୍ଷେତ୍ର ରେ ପଛରେ ନରହି ସମାଜର ମୁଖ୍ୟସ୍ରୋତରେ ସାମିଲ ହେବା ସହିତ ସେମାନଙ୍କ ପାଇଁ ଉଦ୍ଦିଷ୍ଟ ସୁବିଧା ସୁଯୋଗ ବିଷୟ ରେ ଅଧିକ ସଚେତନ ହେବା ବୋଲି ମତପ୍ରକାଶ ପାଇଥିଲା । ଶେଷରେ ସାଧାରଣ ସଂପାଦକ ଧନ୍ୟବାଦ ଅର୍ପଣ କରିଥିଲେ ।
