ବୌଦ୍ଧ/ଜନ୍ହାପଙ୍କ,୧୯/୧୨: ବୌଦ୍ଧ ବ୍ଳକ ତେଲିବନ୍ଧ ପୂର୍ତ୍ତ ବିଭାଗ ଡାକବଙ୍ଗଳା ପଡ଼ିଆରେ ମା ନାରାୟଣୀ ସ୍ପୋଟିଂ କ୍ଲବ ଆନୁକୂଲ୍ୟରେ ନବମ ସାହେବ ମେମୋରିଆଲ ଭଳିବଲ ଟୁର୍ଣ୍ଣାମେଣ୍ଟ ଶନିବାର ଉଦଘାଟିତ ହୋଇଯାଇଛି।ଏହାକୁ ତେଲିବନ୍ଧ ସରପଞ୍ଚ ପ୍ରତିନିଧି ସୁଜିତ ପ୍ରଧାନ ମୁଖ୍ୟ ଅତିଥି ଭାବେ ଯୋଗ ଦେଇ ଉଦଘାଟନ କରିଥିଲେ।ସମ୍ମାନିତ ଅତିଥି ଭାବେ ଶିକ୍ଷକ ପଞ୍ଚାନନ ମହାକୁଳ, ବରିଷ୍ଠ ଖେଳାଳି ନବୀନ ହୋତା ଯୋଗ ଦେଇଥିଲେ।ଉଦ୍ଘାଟନୀ ମ୍ୟାଚ ନାରାୟଣ ନଗର ଓ ବୁଢ଼ୀପଦର ମଧ୍ୟରେ ହୋଇଥିଲା।ନାରାୟଣ ନଗର ୨-୦ ସେଟରେ ବିଜୟୀ ହୋଇଥିଲା।ଦ୍ଵିତୀୟ ମ୍ୟାଚ ତେଲିବନ୍ଧ(ସି) ସହିତ ବୌଦ୍ଧ ତୃତୀୟ ମ୍ୟାଚ ତେଲିବନ୍ଧ(ଏ)ସହିତ ରାଜନପାଲି ଓ ଚତୁର୍ଥ ମ୍ୟାଚ ଜନହାପଙ୍କ ସହିତ ବହିରା ମଧ୍ୟରେ ହୋଇଥିଲା।ଏଥିରେ ତେଲିବନ୍ଧ (ସି),ତେଲିବନ୍ଧ (ଏ),ଜନହାପଙ୍କ ବିଜୟୀ ହୋଇଥିଲା।ମ୍ୟାଚ କୁ ହରିହର ପ୍ରଧାନ, ଚନ୍ଦ୍ର ଧ୍ଵଜ ସେଠୀ ,ଦଶରଥ ଭୋଇ,ପ୍ରସାନ୍ତ ପରିଡ଼ା ପରିଚାଳନା କରିଥିଲେ। ଟୁର୍ଣ୍ଣାମେଂଟକୁ ମା ନାରାୟଣୀ ସ୍ପୋଟିଂ କ୍ଲବର ସଭାପତି ମିଳନ ପ୍ରଧାନ, ଉପ ସଭାପତି ବାସୁଦେବ ପ୍ରଧାନ, ସଭ୍ୟ ଅନିଲ ହୋତା, କବିର ଦେହୁରୀ, ସୁବ୍ରତ ପ୍ରଧାନ, କୌଶିକ ପ୍ରଧାନ, ପ୍ରଦୀପ ମହାକୁଳ, ସୁମନ ପ୍ରଧାନ, ସତ୍ୟବାନ ବେଜି ପ୍ରମୁଖ ସହଯୋଗ କରୁଛନ୍ତି । ୨୧ ତାରିଖରେ ଫାଇନାଲ ଖେଳ ସହ ଉଦଯାପିତ ହେବ।
