ବୌଦ୍ଧ,୧୭/୨- ବଘିଆପଡା – ବୌଦ୍ଧ ପୂର୍ତ୍ତ ବିଭାଗ ରାସ୍ତାର ସାଲେସିଂହ ସ୍କୁଲ ସମ୍ମୁଖରେ ଭାରସାମ୍ୟ ହରାଇ ଏକ ଯାତ୍ରୀବାହୀ ଅଟୋ ଓଲଟି ପଡି ଦୁର୍ଘଟଣା ଗ୍ରସ୍ତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ଆଜି ବଘିଆପଡା ଠାରେ ବୁଧବାର ସାପ୍ତାହିକ ବଜାର ଥିଲା l ଜିନିଷ ପତ୍ର କିଣା ବିକା କରି ଗୋଟିଏ ଯାତ୍ରୀବାହି ଅଟୋରେ ବସି ମହିଳା ମାନେ ଘରକୁ ଫେରୁଥିବା ବେଳେ ବଘିଆପଡା ଗ୍ରାମ ପଞ୍ଚାୟତ ସାଲେସିଂଗ ଗ୍ରାମ ସ୍କୁଲ୍ ସମ୍ମୁଖରେ ଅଟୋ ଭାରସାମ୍ୟ ହରାଇ ରାସ୍ତା ଉପରେ ଓଲଟି ପଡିଥିଲା l ଏହି ଦୁର୍ଘଟଣାରେ ୭ ମହିଳା ଗୁରୁତର ଭାବେ ଆହତ ହୋଇଛନ୍ତି । ଆହତ ହୋଇଥିବା ସମସ୍ତ ମହିଳା ଏରେଡା ଗ୍ରାମର ବୋଲି ଜଣାପଡିଛି l ଗୁରୁତର ଆହତଙ୍କୁ ୧୦୮ ଆମ୍ବୁଲାନ୍ସ ଯୋଗେ ବୌଦ୍ଧ ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି । ଯାତ୍ରୀବାହୀ ଅଟୋରେ ସମୁଦାୟ ୧୪ ଜଣ ମହିଳା ଥିବା ଜଣାପଡିଛି । ଅନ୍ୟ ମାନେ ବିଭିନ୍ନ ଗ୍ରାମର ବାସିନ୍ଦା ବୋଲି ଜଣାପଡିଛି l ଦୁର୍ଘଟଣା ପରେ ଆହତଙ୍କୁ ଉଦ୍ଧାର କରି ଡାକ୍ତରଖାନା ଆଣିବା ପରିବର୍ତ୍ତେ ଅଟୋକୁ ଧରି ଅଟୋ ଚାଳକ ଘଟଣାସ୍ଥଳରୁ ଫେରାର ମାରିଥିଲା ବୋଲି ଆହତ ଯାତ୍ରୀ ମାନେ ପ୍ରକାଶ କରିଛନ୍ତି | ବଘିଆପଡା ଫାଣ୍ଡି ପୋଲିସ ଘଟଣାସ୍ଥଳରେ ପହଂଚି ତଦନ୍ତ କରୁଥିବା ଜଣାପଡିଛି l
