ବୌଦ୍ଧ,୬/୨-ମନମୁଣ୍ଡା ଅଞ୍ଚଳରେ ବଢ଼ୁଥିବା ରାହାଜାନୀକୁ ନେଇ ଥାନା ଘେରାଉ କଲେ ଶତାଧିକ ଏସ. ଏଚ.ଜି. ମହିଳା ମାନେ । ମନମୁଣ୍ଡା ଥାନା ଅନ୍ତର୍ଗତ ଦେଉଳିରେ ଲଗାତାର କିଛି ଦିନ ହେଲା ଚୋରି, ଡକାୟତି ଓ ରାହାଜlନୀ ବୃଦ୍ଧି ପାଉଛି । ତେବେ ଏ କ୍ଷେତ୍ରରେ ପୋଲିସ ଉପଯୁକ୍ତ କାର୍ଯ୍ୟାନୁଷ୍ଠାନ ନେଉନଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ତେଣୁ ମନମୁଣ୍ଡା ପୋଲିସର ନିଷ୍କ୍ରିୟତା ବିରୋଧରେ ଆଜି ଏସ.ଏଚ.ଜି. ମହିଳାମାନେ ଥାନା ଘେରାଉ କରିଛନ୍ତି । ମିଳିଥିବା ସୂଚନା ଅନୁଯାୟୀ ଏସବୁକୁ ରୋକିବା ଦିଗରେ ଓ ଅପରାଧୀଙ୍କୁ ଧରିବା ଦିଗରେ ସକ୍ରିୟତା ପ୍ରଦର୍ଶନ କରିବା ଦିଗରେ ପୋଲିସ ପଦକ୍ଷେପ ନେବାକୁ ଏକ ଦାବିପତ୍ର ମଧ୍ୟ ଥାନା ଅଧିକାରୀଙ୍କୁ ଦିଆଯାଇଛି । ଏଠାରେ ଉଲ୍ଲେଖଯୋଗ୍ୟ ଯେ କେବଳ ମନମୁଣ୍ଡା ନୁହେଁ ବାଉଁଶୁଣି ଓ କଣ୍ଟାମାଳ ଥାନା ଅଂଚଳରେ ମଧ୍ୟ ଜାନୁଆରି ମାସରେ ବହୁ ସଂଖ୍ୟାରେ ଅପରାଧୀକ ମାମଲା ଥାନାରେ ପଂଜିକୃତ ହୋଇଥିବା ବେଳେ ପୋଲିସ୍ ର ନିଷ୍କ୍ରିୟତା ଜନସାଧାରଣ ରେ ଅସନ୍ତୋଷ ପ୍ରକାଶ ପାଉଛି l
