ବାଲିଗୁଡ଼ା,୧୮୧୨: ଏବେ ସାରା କନ୍ଧମାଳ ଜିଲ୍ଲାରେ ଲାଗିରହିଛି ଶୀତ ଲହରୀ । ଶୀତ ବସ୍ତ୍ର ଅଭାବରୁ ହାଡ଼ଭଙ୍ଗା ଶୀତରେ ଛଟପଟ ହେଉଛନ୍ତି ଅଞ୍ଚଳର ଅସହାୟ ଗରିବ ବୃଦ୍ଧ ବୃଦ୍ଧା । ଏଭଳି ସମୟରେ ସହାୟତାର ହାତ ବଢ଼ାଇଛି ବାଲିଗୁଡ଼ାର ମା ବହୁଚରା ମାତା କିନ୍ନର ସଂଘ । ନିଜସ୍ଵ ଖର୍ଚ୍ଚରେ ବାଲିଗୁଡ଼ା ଅଞ୍ଚଳର ଅସହାୟ ଗରିବ ବୃଦ୍ଧ ବୃଦ୍ଧାଙ୍କୁ କମ୍ବଳ ବଣ୍ଟନ କରିବାସହ ଅନ୍ୟମାନଙ୍କ ପାଇଁ ଉଦାହରଣ ପାଲଟିଛନ୍ତି ଏହି କିନ୍ନରମାନେ । ଅସହାୟ ବୃଦ୍ଧ ବୃଦ୍ଧା କମ୍ବଳ ଖଣ୍ଡିଏ ଖଣ୍ଡିଏ ପାଇବାପରେ ବେସ୍ ସନ୍ତୁଷ୍ଟି ଲାଭ କରିବାସହ କିନ୍ନର ସଙ୍ଘର ଏଭଳି ପ୍ରୟାସ କୁ ସାଧୁବାଦ ଜଣାଇଛନ୍ତି ବୃଦ୍ଧ ବୃଦ୍ଧା । ସେପଟେ ସଙ୍ଘର ନିଷ୍ପତ୍ତି କ୍ରମେ ଏଭଳି କାର୍ଯ୍ୟ ଆଗକୁ ମଧ୍ୟ ଜାରି ରହିବ ବୋଲି କହିଛନ୍ତି କିନ୍ନର ସଙ୍ଘର ସଭାପତି ବିଷ୍ଣୁପ୍ରିୟା ପ୍ରଧାନ ।
