ବୌଦ୍ଧ,୧୦/୧୧- ଗତକାଲି କଣ୍ଟାମାଳ ବ୍ଲକ୍ ମନମୁଣ୍ଡା ଗାନ୍ଧୀ ଛକ ନିକଟରେ ଗୋଟିଏ ବାଇକକୁ ଧକ୍କା ଦେଇ ସାମ୍ନା ପଟୁ ଆସୁଥିବା ଏକ ଟ୍ରକ୍ ପ୍ରାୟ 1 କିଲୋମିଟର୍ ଦୂର ଘୋଷାଡ଼ି ନେଇଥିବା ବେଳେ ବାଇକ ଆରୋହୀ ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ କଣ୍ଟାମାଳ ବ୍ଲକ୍ ଆମ୍ବଗାଁ ଗ୍ରାମରୁ ବରଗଡ ଯାଉଥିବା ଗୋଟିଏ ଟ୍ରକ୍ ଓଡ଼ି15 ଏ 4084 ମନମୁଣ୍ଡା ଗାନ୍ଧୀଛକ ନିକଟରେ ସାମ୍ନା ପଟୁ ଆସୁଥିବା ଏକ ବାଇକକୁ ଧକ୍କା ଦେଇଥିଲା l ବାଇକ ଆରୋହୀ ରାସ୍ତା କଡକୁ ଛିଟିକି ପଡି ଅଳ୍ପକେ ବର୍ତ୍ତି ଯାଇଥିବା ବେଳେ ଅନେକ ବାଟ ଯାଏଁ ବାଇକକୁ ଟ୍ରକ ଘୋଷାଡ଼ି ନେଇ ଯାଇଥିଲା l କିଛି ସ୍ଥାନିୟ ଯୁବକ ଟ୍ରକକୁ ଗୋଡ଼ାଇ ଥିଲେ ଓ ରାସ୍ତା ଉପରେ ଟ୍ରକକୁ ଛାଡି କୌଶଳ କ୍ରମେ ଡ୍ରାଇଭର ଫେରାର ମାରିଥିଲା l ଆହତ ବାଇକ ଆରୋହୀଙ୍କୁ ସୋନପୁର ଜିଲ୍ଲା ମୁଖ୍ୟ ଡାକ୍ତରଖାନା ରେ ଭର୍ତ୍ତି କରାଯାଇଛି | ବାଇକ ଆରୋହୀ ସୋନପୁର ଜିଲ୍ଲା ଶ୍ରୀପୁରା ଗ୍ରାମର ଲଳିତ ମୋହନ ଜଗଦଲା ବୋଲି ଜଣାପଡିଛି l ସୋନପୁର ପୋଲିସ୍ ଦୁର୍ଘଟଣା ଘଟାଇଥିବା ଟ୍ରକ୍ ଓ ବାଇକକୁ ଜବତ୍ କରିବା ସହ ଏକ ମାମଲା ରୁଜୁ କରି ତଦନ୍ତ କରୁଛି |
