ବୌଦ୍ଧ,୧୨/୩ – ବୌଦ୍ଧ ରେଞ୍ଜ ବଘିଆପଡା ଫରେଷ୍ଟ ଅନ୍ତର୍ଗତ ଜାମୁଖୋଲ୍ ଗ୍ରାମ ନିକଟ ଜଙ୍ଗଲ ଭୂଇଁ ଛକ ପାଖରୁ ଗୋଟିଏ ଟ୍ରାକ୍ଟର ସହ 60 ଖଣ୍ଡ ବଲହା ବନ ବିଭାଗ ଜବତ୍ କରିଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ଗତକାଲି ରାତିରେ ବନ ବିଭାଗର କର୍ମଚାରୀ ମାନେ ପେଟ୍ରୋଲିଂ କରୁଥିବା ବେଳେ ଜାମୁଖୋଲ୍ ଗ୍ରାମ ନିକଟରେ ଗୋଟିଏ ଟ୍ରାକ୍ଟର ଏ. ପି. 39 ଇ. ଏମ. 5444 ରେ ଚାଲାଣ ହେଉଥିବା ବେଳେ ଦେଖିବାକୁ ପାଇଥିଲେ l ଟ୍ରାକ୍ଟର ସହିତ 60 ଖଣ୍ଡ ଶାଳ ଓ ଅନ୍ୟାନ୍ୟ ବଲହାକୁ ଜବତ୍ କରିବାରେ ବନ ବିଭାଗର କର୍ମଚାରୀ ଜବତ୍ କରିବାରେ ସଫଳ ହୋଇଥିବା ବେଳେ ଅନ୍ଧାରର ସୁଯୋଗ ନେଇ ଟ୍ରାକ୍ଟରର ଡ୍ରାଇଭର ଗାଡି ଛାଡି ଫେରାର ମାରିଥିଲା l ବନ ବିଭାଗ କାଠ ଓ ଟ୍ରାକ୍ଟରକୁ ଜବତ୍ କରି ତଦନ୍ତ ଚଳାଇଥିବା ଜଣା ପଡିଛି l ଆନ୍ଧ୍ର ପ୍ରଦେଶ ଟ୍ରାକ୍ଟର ନମ୍ବର୍ ଥିବାରୁ ପଡୋଶୀ ରାଜ୍ୟରୁ ଆସି ବଘିଆପଡା ଅଂଚଳରେ କପା ଚାଷ କରୁଥିବା କୌଣସି ବ୍ୟକ୍ତିଙ୍କ ହୋଇଥାଇ ପାରେ ବୋଲି ସନ୍ଦେହ କରାଯାଉଛି l ଚଢାଉରେ ଫରେଷ୍ଟ ଗାର୍ଡ ରାମଚନ୍ଦ୍ର ଦଳବେହେରା, ଶରତ ନାଏକ, ରମାକାନ୍ତ ବେହେରା ଓ ଅନ୍ୟାନ୍ୟ କର୍ମଚାରୀ ସାମିଲ ଥିଲେ l
