ବୌଦ୍ଧ,୬/୩- ଆଜି ଦିନ ପ୍ରାୟ 1 ଘଣ୍ଟା ସମୟରେ ଜାତୀୟ ରାଜପଥ ନମ୍ବର 57ର ଗୁଦୁଗୁଦା ନିକଟରେ ଗୋଟିଏ ଟ୍ରକ ଯାତ୍ରୀବlହି ଅଟୋକୁ ଧକ୍କା ଦେବା ଫଳରେ ଅଟୋରେ ଥିବା 4 ଜଣ ଯାତ୍ରୀ ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ଆଜି ଅପରାନ୍ହ 1 ଘଣ୍ଟା ସମୟରେ ଓ ଆର 27 3016 ଅଟୋରେ ବାଉଁଶୁଣୀ ଥାନା ବହିରା ଗ୍ରାମର ଏକ ପରିବାର ବିବାହ ଭୋଜିରେ ଯୋଗ ଦେବାକୁ ରକ୍ସା ଗ୍ରାମ ପଞ୍ଚାୟତ ମହେଶ୍ୱରପିଣ୍ଡା ଗ୍ରାମକୁ ଯାଉଥିଲେ l ଗୁଦୁଗୁଦା ପୋଲ ଅପର ପାର୍ଶ୍ବରେ ଥିବା କାଳିଆ ହୋଟେଲ ସାମ୍ନାରେ ମନମୁଣ୍ଡା ପଟରୁ ଆସୁଥିବା ଏକ ମାଲ୍ ବୋଝେଇ ଟ୍ରକ ଏମ.ଏଚ. 19 ଜେଡ 5378 ସାମ୍ନା ସାମ୍ନି ଧକ୍କା ଦେଇଥିଲା l ଫଳରେ ଅଟୋରେ ବସିଥିବା 4 ଜଣ ଯାତ୍ରୀ ଗୁରୁତର ଆହତ ହୋଇଥିଲେ | ଆହତ ଯାତ୍ରୀ ମାନେ ହେଲେ ବହିରା ଗ୍ରାମର ଅମୂଲ୍ୟ ଦେହୁରୀ, କୁନି ସେଠୀ, ଶ୍ରାବଣୀ ବେହେରା, ସେବକ ବେହେରା ଓ କୌଶଲ୍ୟା ବେହେରା l ଖବର୍ ପାଇ ବାଉଁଶୁଣି ଦମକଳ ବାହିନୀ ସେମାନଙ୍କୁ ବାଉଁଶୁଣୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲା l ଅଟୋ ଆଗରେ ବସିଥିବା ଅମୂଲ୍ୟ ଦେହୁରୀଙ୍କ ଅବସ୍ଥା ଅତି ଗୁରୁତର ଥିବା ଜଣାପଡିଛି l ମନମୁଣ୍ଡା ପୋଲିସ୍ ଘଟଣା ସ୍ଥଳରେ ପହଂଚି ତଦନ୍ତ କରୁଥିବା ସୁଚନା ମିଳିଛି l
