ବୌଦ୍ଧ,୯/୧୧ – ଦୀର୍ଘ 3 ମାସ ହେଲା ବୌଦ୍ଧସହର ଅନ୍ତର୍ଗତ ମର୍ଜାକୁଦ 13 ନମ୍ବର ୱାର୍ଡ ବାସୀ ଅନ୍ଧାରରେ ଥିବା ଅଭିଯୋଗ ହୋଇଛି | ଆଜି 13 ନମ୍ବର ୱାର୍ଡର ଶତାଧିକ ବିଦ୍ୟୁତ୍ ଉପଭୋକ୍ତା ବୌଦ୍ଧ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଆସି ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରିଛନ୍ତି | ନୂତନ ଟ୍ରାନ୍ସଫରମର ଲଗାଇବା ପାଇଁ ବାରମ୍ବାର ୱାର୍ଡବାସୀ ସହକାରୀ ଯନ୍ତ୍ରୀଙ୍କୁ ଦାବୀ କରୁଥିଲେ ମଧ୍ୟ ବକେୟା ବିଲ୍ ମଧ୍ୟରୁ ଏକ ଲକ୍ଷ ଟଂକା ପଇଠ କରିବାକୁ କହୁଥିବା ଅଭିଯୋଗ କରିଛନ୍ତି | ଯଥାଶୀଘ୍ର ଟ୍ରାନ୍ସଫରମର ବସାଇ ମର୍ଜାକୁଦ 13 ନମ୍ବର ୱାର୍ଡକୁ ବିଦ୍ୟୁତ୍ ଯୋଗାଇ ଦେବାକୁ ଜିଲ୍ଲାପାଳ ନିର୍ବାହୀଯନ୍ତ୍ରୀଙ୍କୁ କହିଥିବା ପ୍ରକାଶ l
