ବୌଦ୍ଧ ,୩/୧- ଆଜି ସନ୍ଧ୍ୟା ପ୍ରାୟ ଘ 6. 30 ମିନିଟ ସମୟରେ ଜାତୀୟ ରାଜପଥ ନମ୍ବର 57ର ବାମଣ୍ଡା ନିକଟରେ ଜଣେ ସାଇକେଲ ଆରୋହୀଙ୍କୁ ବାଇକ ଧକ୍କା ଦେବା ଫଳରେ ସାଇକେଲ ଆରୋହୀ ଗୁରୁତର ଆହତ ହୋଇଛନ୍ତି | ମିଳିଥିବା ସୁଚନା ଅନୁଯାୟୀ ଆଜି ସନ୍ଧ୍ୟାରେ ଦେବଗଡ଼ ଗ୍ରାମର ଇନ୍ଦ୍ରମଣି ମେଣ୍ଡିଲି (60 ) ବାମଣ୍ଡାରୁ କାମ ସାରି ସାଇକେଲ ଯୋଗେ ଦେବଗଡ଼ ଫେରୁଥିବା ବେଳେ ସମାନ ଦିଗରୁ ଆସୁଥିବା ଗୋଟିଏ ବାଇକ ତାଙ୍କ ସାଇକେଲକୁ ଜୋର୍ ରେ ଧକ୍କା ଦେଇଥିଲା l ଧକ୍କା ପରେ ଉଭୟ ସାଇକେଲ ଓ ବାଇକ ଆରୋହୀ ଛିଟିକି ପଡି ଆହତ ହୋଇଥିଲେ | ଉଭୟଙ୍କୁ 108 ଆମ୍ବୁଲାନସ୍ ଯୋଗେ ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇଥିଲା | ସାଇକେଲ ଆରୋହୀ ଗୁରୁତର ଥିବା ଜଣାପଡିଛି l
