ବୌଦ୍ଧ,୨୯/୧୦ – ମନମୁଣ୍ଡା – ଶଗଡା ରାସ୍ତାର ଗୁଡଭେଲିପଦର୍ ଓ ବିଲାସପୁର ମଧ୍ୟରେ ଥିବା ମେହେରୁଣୀ ପୋଲ ପୁଣି ଆଉ ଜଣେ ବାଇକ ଆରୋହୀଙ୍କ ଜୀବନ ନେଇଛି l ମିଳିଥିବା ସୂଚନା ଅନୁଯାୟୀ ଗତକାଲି ରାତିରେ ଜଣେ ବାଇକ ଆରୋହୀ ବାଇକ ସହ ପୋଲ ତଳକୁ ଖସି ମ୍ରୁତ୍ୟୁ ବରଣ କରିଥିବା ଆଜି ସକାଳେ ସ୍ଥାନୀୟ ଲୋକେ ଦେଖିବାକୁ ପାଇଥିଲେ l ଦୁର୍ଘଟଣାଗ୍ରସ୍ତ ବାଇକ ନମ୍ବର୍ ଓଡି 31 ଏଫ 8980 ହୋଇଥିବା ବେଳେ ବାଇକ ଆରୋହୀଙ୍କ ପରିଚୟ ଜଣା ପଡ଼ିନାହିଁ l ଆରୋହୀଙ୍କ ଉପରେ ବାଇକ ପଡିଥିବା ଦେଖିବାକୁ ମିଳୁଛି l l ମନମୁଣ୍ଡା ପୋଲିସ ଘଟଣାସ୍ଥଳରେ ପହଂଚି ପୋଲ ତଳୁ ବାଇକ ଓ ମୃତ ଦେହ ଉଦ୍ଧାର କରିଛି l କିଛି ଲୋକ ହତ୍ୟାକାଣ୍ଡ ହୋଇ ଥାଇପାରେ ବୋଲି ଆଶଙ୍କା ମଧ୍ୟ କରୁଛନ୍ତି | ବାଇକ ପୋଲ ତଳେ ପଡିଥିଲେ ମଧ୍ୟ ପୋଲ ବାଡା ରେ ଧକ୍କା ହେବା ଭଳି ଚିନ୍ହ ନ ଥିବା ପ୍ରତ୍ୟକ୍ଷଦର୍ଶି ପ୍ରକାଶ କରିଛନ୍ତି | ପୋଲିସ ତଦନ୍ତ କଲେ ଏ ସମ୍ପର୍କରେ ସବିଶେଷ ତଥ୍ୟ ଜଣା ପଡିବ ବୋଲି ଆଲୋଚନା ହେଉଛି l ମୃତକ ଜଣକ ସ୍ଥାନୀୟ ଅଂଚଳର ଲୋକ ହୋଇ ନଥିବା ହେତୁ ପରିଚୟ ମିଳିନାହିଁ l
