ବୌଦ୍ଧ : ଆଜି ଅପରାହ୍ନରେ ଜାତୀୟ ରାଜପଥ ନଂ ୫୭ର ହରେକୃଷ୍ଣପୁର ନିକଟ ବୁଲାଣିରେ ସଡକ ଦୁର୍ଘଟଣା ଘଟି ଜଣେ ଗୁରୁତର ଆହତ ହୋଇଛନ୍ତି । ମିଳିଥିବା ସୂଚନା ଅନୁସାରେ ହରେକୃଷ୍ଣପୁର ବୁଲାଣି ନିକଟରେ ସମାନ ଦିଗରୁ ଆସୁଥିବା ଏକ ୱିଙ୍ଗର ବାଇକକୁ ଧକ୍କା ଦେଇଥିଲା ।
ବାଇକ ସହ ଚାଳଳକ ରାସ୍ତାତଳକୁ ଛିଟିକି ପଡି ଗୁରୁତର ଆହତ ହୋଇଥିବା ବେଳେ ୱିଙ୍ଗରଟି ମଧ୍ୟ ଭାରସାମ୍ୟ ହରାଇ ରାସ୍ତା ପାଶ୍ୱର୍ ଏକ ଗଛରେ ବାଡେଇ ହୋଇ ଦୁର୍ଘଟଣାଗ୍ରସ୍ତ ହୋଇଥିଲା । ୱିଙ୍ଗରରେ କେହି ଯାତ୍ରୀ ନଥିବା ବେଳେ କେବଳ ଡ୍ରାଇଭର ଗାଡି ନେଇ କଟକ ଫେରୁଥିଲେ । ସେହିପାରି ବାଇକ୍ ନଂ ହେଉଛି ଓଡି୩୧ଏଫ୍ ୬୦୮୫ ଓ ସୋନପୁର ଅଂଚଳର ବୋଲି ଶୁଣିବାକୁ ମିଳୁଛି । ଆମ୍ବୁଲାନ୍ସ ଯୋଗେ ଗୁରୁତର ଆହତ ବାଇକ ଚାଳକଙ୍କୁ ବୌଦ୍ଧ ଡାକ୍ତରଖାନା ଅଣାଯାଇଥିଲା ।
