ସୁବର୍ଣ୍ଣପୁର୨୫/୪- ସୁବର୍ଣ୍ଣପୁର ଜିଲ୍ଲାରେ ଗତକାଲି ଠାରୁ ଆରମ୍ଭ ହୋଇଥିବା ସପ୍ତାହନ୍ତ ସଟ୍ ଡାଉନ୍ ର ଆଜି ଦ୍ବିତୀୟ ଦିନରେ ମଧ୍ୟ ପୋଲିସ ପକ୍ଷରୁ କଡାକଡି ଯାଂଚ କରାଯାଉଛି । ସୁବର୍ଣ୍ଣପୁର,ବିନିକା ଓ ତରଭା ସହରର ବିଭିନ୍ନ ଛକ ଏବଂ ପ୍ରବେଶ ଦ୍ବାରରେ ପୋଲିସ ମୁତୟନ ହୋଇ ତନଖି କରୁଛି । ବିଶେଷକରି କୋଭିଡ୍ ନିୟମ ଉଲ୍ଲଂଘନ କରୁଥିବା ଅମାନିଆଙ୍କୁ ଧରି ଜୋରିମାନା ଆଦାୟ କରାଯାଉଛି । କରୋନା ସଂକ୍ରମଣ ଯୋଗୁଁ ଆସନ୍ତାକାଲି ସକାଳ ଯାଏଁ ସଦର ମହକୁମା ସୁବର୍ଣ୍ଣପୁର ସମେତ ବିନିକା ଓ ତରଭାରେ ହୋଇଥିବା ସଟ୍ ଡାଉନ୍ ରେ ଦୋକାନ ବଜାର,ହାଟ ହଟଲି ସବୁ ବନ୍ଦ ରହିଥିବା ଦେଖିବାକୁ ମିଳିଛି ।
