ବୌଦ୍ଧ / ବlଉଁଶୁଣୀ,୨୧/୯- ଗତକାଲି ବିଳମ୍ବିତ ରାତିରେ ବlଉଁଶୁଣି ପୋଲିସ୍ ପେଟ୍ରୋଲିଂଗ କରୁଥିବା ବେଳେ ବହିରା ଗ୍ରାମ ନିକଟରୁ ବିପୁଳ ପରିମାଣର ଗଂଜେଇ ଜବତ କରିଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଗତକାଲି ରାତି ପ୍ରାୟ 2 ଘଣ୍ଟା ସମୟରେ ବlଉଁଶୁଣି ଥାନା ପୋଲିସ୍ ପେଟ୍ରୋଲିଂଗ କରୁଥିବା ପୁରୁଣା ବହିରା କେନାଲ ନିକଟରେ କିଛି ଲୋକ ବସ୍ତାରେ ଗଂଜେଇ ବୋହି ଆସୁଥିଲେ l ପୋଲିସ ଗାଡ଼ି ଆସୁଥିବା ଦେଖି ସେମାନେ ବସ୍ତା ଗୁଡିକ ଫୋପାଡି ଦଉଡ଼ି ପଳାଇଥିଲେ l ପୋଲିସ ବସ୍ତା ଗୁଡିକୁ ଯାଞ୍ଚ କରିବା ପରେ ଗଂଜେଇ ଥିବା ଜାଣିପାରିଥିଲା l 4 ଗୋଟି ବସ୍ତାରେ ଥିବା ଗଂଜେଇ ଥାନାକୁ ଆଣି ଓଜନ କରିବା ପରେ 72 କେଜି 200 ଗ୍ରାମ୍ ହୋଇଥିଲା | ଏ ନେଇ ବlଉଁଶୁଣି ଥାନାରେ କେସ ନଂ 97/2020 ରେ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଥିବା ଆଇ. ଆଇ. ସି. ରାମ ସୁବ୍ରମଣିୟମ ପ୍ରଧାନ ସୂଚନା ଦେଇଛନ୍ତି l
