ବୌଦ୍ଧ,୩୦/୧୦ – ଜାତୀୟ ରାଜପଥ ନମ୍ବର୍ 57 ର ପୁରୁଣାକଟକ ଥାନା ଚାରିଛକ ନିକଟ ସିଙ୍ଗାଡିବିଡା ଗାଆଁ ପାଖରେ ଏକ ଅଜଣା ଶବ ରାସ୍ତା ଉପରେ ପଡିଥିବା ଆଜି ସକାଳୁ ସ୍ଥାନୀୟ ଲୋକେ ଦେଖିବାକୁ ପାଇଛନ୍ତି l ପ୍ରତ୍ୟକ୍ଷଦର୍ଶିଙ୍କ ସୂତ୍ରରୁ ମିଳିଥିବା ସୂଚନା ଅନୁଯାୟୀ ପ୍ୟାଣ୍ଟ୍ ଓ ସ୍ବେଟର୍ ପିନ୍ଧିଥିବା ଅଜଣା ଶବର ଅନ୍ତଃ ବୁଜୁଳା ବାହାରି ପଡିଥିବା ବେଳେ ମୁହଁ କ୍ଷତବିକ୍ଷତ ହୋଇ ଥିବାରୁ ସ୍ଥାନିୟ ଲୋକ ନା ବାହାର ଲୋକ ଚିହ୍ନିବା କଷ୍ଟକର ହୋଇପଡିଛି l ସେହିପରି ଏହା ଦୁର୍ଘଟଣା ନା ହତ୍ୟାକାଣ୍ଡ ସେ ସମ୍ପର୍କରେ ମଧ୍ୟ କୌଣସି ନିର୍ଣ୍ଣୟ କରାଯାଇ ପାରୁନାହିଁ l ଶରୀରର ପେଟ ଓ ମୁଣ୍ଡରେ କୌଣସି ଯାନବାହାନ ଚଢି ଯାଇ ଥିବା ସନ୍ଦେହ ହେଉଛି l ସେହିପରି ଶବ ପଡିଥିବା ସ୍ଥାନରେ ରକ୍ତ ପଡି ନଥିବା ହେତୁ କେହି ହତ୍ୟା କରିବା ପରେ ରାସ୍ତାରେ ଆଣି ଶବକୁ ପକାଇ ଦେଇଥିବା ମଧ୍ୟ ସନ୍ଦେହ କରାଯାଉଛି l ଶବ ନିକଟରେ ଗୋଟିଏ ମୋବାଇଲ ଫୋନ ପଡିଥିବା ଦେଖିବାକୁ ମିଳିଛି l ପୁରୁଣାକଟକ ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଜାରୀ ରଖିଛି l ପୋଲିସ ତଦନ୍ତ ପରେ ଏହା ଦୁର୍ଘଟଣା ନା ହତ୍ୟା ସ୍ପଷ୍ଟ ହେବ |
