ସୋନପୁର,୨୯/୧୦ : ବିନା ବାଜା ବିନା ରୋଷଣୀ ରେ ଗତ କାଲି ବିଦାୟ ନେଇଛନ୍ତି ମାଁ ମହାମାୟା । କରୋନା ଏବର୍ଷ ସମସ୍ତ ସରାଗ ଛଡାଇ ନେଇଛି। କଟକଣା ଯୋଗୁଁ ସହରର ସମସ୍ତ ପୂଜା ପେଣ୍ଡାଲ୍ ରେ ଖାଁ ଖାଁ ପରିବେଶ ଅନୁଭୂତ ହୋଇଥିଲା। କେବଳ ପୂଜାପାଠ ଓ ବିଭିନ୍ନ ନିତିକାନ୍ତି ବ୍ୟତୀତ ଅନ୍ୟ ସବୁ ମନୋରଞ୍ଜନ ଧର୍ମୀ କାର୍ଯ୍ୟକ୍ରମକୁ ପ୍ରଶାସନ ଦ୍ୱାରା ବାରଣ କରାଯାଇଥିଲା ଯାଫଳରେ ସହର ର ସମସ୍ତ ପୂଜା କମିଟି ମଧ୍ୟ କରୋନା କଟକଣା କୁ ମାନି କେବଳ ବିଧି ରକ୍ଷା ନିମନ୍ତେ ପୂଜା ଆୟୋଜନ କରିଥିଲେ। ଇତି ମଧ୍ୟରେ ସହରରେ ଆୟୋଜିତ ହୋଇଥିବା ପ୍ରାୟ ସମସ୍ତ ମୃଣ୍ମୟୀ ମୂର୍ତ୍ତି ବିସର୍ଜନ କରାଯାଇଥିବା ବେଳେ ସହରର ବ୍ଲକଛକ ଠାରେ ଆୟୋଜନ କରାଯାଇଥିବା ମାଁ ଦୁର୍ଗା ଙ୍କ ମୃଣ୍ମୟୀ ମୂର୍ତ୍ତି କୁ ବିନା ବାଜା ରୋଷଣୀ ବିନା ଭକ୍ତଙ୍କ ମେଳରେ ଗତକାଲି ମହାନଦୀ ପଠାରେ ବିସର୍ଜନ କରାଯାଇଛି।
