ଦଶପଲ୍ଲା : ବୁଧବାର ମଧ୍ୟାହ୍ନ ସମୟରେ ଦଶପଲ୍ଲା ବ୍ଲକ ଭୋଗବାଡ଼ୀ ପଞ୍ଚ଼ାୟତ ପିପଳପଦର ଗ୍ରାମରେ ଅଗ୍ନିକାଣ୍ଡ ଘଟି ୫ଟି ଦଳିତ ପରିବାରର ୫ ବଖରା ଘର ପୋଡି ପାଉଁଶ ହୋ ଯାଇଛି । ପ୍ରଥମେ ସେହିଗ୍ରାମର୍ ଅଭିମନ୍ୟୁ ନାଏକଙ୍କ ଘରୁ ବିଦ୍ୟୁତ ସଟସର୍କିଟ ହୋଇ ତାଙ୍କ ଘରେ ନିଆଁ ଲାଗି ଘର ପୋଡି ଯାଇଥିବା ବେଳେ ଏହି ନିଆଁରେ ସେହି ଗ୍ରାମର ପ୍ରଦୀପ ନାଏକ, ବେଲାଳସେନ ନାଏକ, ବୃନ୍ଦାବନ ନାଏକ, ଯୁଧିଷ୍ଠିର ନାଏକଙ୍କ ଘରପୋଡି ଯାଇଥିଲା । ସମୁଦାୟ ୫ ବଖରା ଘର ପୋଡି ପାଉଁଶ ହୋଇଯାଇଥିବା ବେଳେ ଘରେ ଥିବା ସମସ୍ତ ଆସବା ପତ୍ର ପୋଡି ପାଉଁଶ ହୋଇଯାଇଛି । ଦଶପଲ୍ଲା ଅଗ୍ନିଶମ ବିଭାଗର କର୍ମଚାରୀମାନେ ଦମକଳ ସାହାଯ୍ୟରେ ଏହି ନିଆଁକୁ ଆୟତ୍ତ କରିଥିଲେ । ଅଗ୍ନିବିପନ୍ନ ପରିବାରଙ୍କୁ ସରକାରୀ ସାହାଯ୍ୟ ଯୋଗାଇ ଦେବାକୁ ପରିବାର ଓ ଗ୍ରାମବାସୀଙ୍କ ପକ୍ଷରୁ ଦାବି ହେଉଛି ।
