ସୁବର୍ଣ୍ଣପୁର : ଗତକାଲି ଏନ୍ ଏଚ ୫୭ ଅନ୍ତର୍ଗତ ସହରର କୁଞ୍ଜଛକ ଠାରେ ଏକ ଧଳା ରଂଗର ମାରୁତି ଜେଷ୍ଟ୍ ଗାଡ଼ିରୁ ୩୯.୭୫୦ ଗ୍ରାମ ଗଞ୍ଜେଇ ସୋନପୁର ପୋଲିସ ଜବତ କରିଥିବା ସୁବର୍ଣ୍ଣପୁର ଏସ୍ପି ସୀତାରାମ ଶତପଥୀ ଏକ ପ୍ରେସ ବିଜ୍ଞପ୍ତି ମାଧ୍ୟମରେ ସୂଚନା ଦେଇଛନ୍ତି । ଘଟଣାରୁ ପ୍ରକାଶ ଯେ ଗତକାଲି କୌଣସି ସୂତ୍ରରୁ ଖବରପାଇ ସୋନପୁର ପୋଲିସ ପକ୍ଷରୁ ଏସ୍ଆଇ ପ୍ରିୟଙ୍କା ବେହେରାଙ୍କ ନେତୃତ୍ୱରେ ଏକ ଟିମ୍ ସହରର କୁଞ୍ଜଛକ ଠାରେ ଏକ ଧଳାରଂଗର ମାରୁତି ଜେଷ୍ଟ ଗାଡି ନଂ ଓଡି ୧୭ଏଫ୍ ୪୭୬୩ ରୁ ୩୯.୭୫୦ଗ୍ରାମ ଗଞ୍ଜେଇ ଜବତ କରିବା ସହ ବୌଦ୍ଧ ଜିଲ୍ଲାର ବାଉଁଶୁଣୀ ଗ୍ରାମର ପ୍ରହଲ୍ଲାଦ ମେହେର (୨୧) ଓ ବରଗଡ଼ ବିଜେପୁର ଅଞ୍ଚଳର ମନୋରଂଜନ ମେହେର (୨୯) ଙ୍କୁ ଗିରଫ କରିଥିଲେ ତାଙ୍କ ନାମରେ ସୋନପୁର ପିଏସ୍ କେସ୍ ନଂ ୧୫୮/୨୮/୬/୨୧, ୟୁଏସ୍ ୨୦(ବି)(୧୧)(ସି)/୨୫/୨୯ର ଏନଡିପିଏସ୍ ଧାରା ୧୯୮୫ ରୁଜୁ କରି ଅଭିଯୁକ୍ତ ୨ଜଣଙ୍କୁ କୋର୍ଟ ଚାଲାଣ କରିଛନ୍ତି । ତାଙ୍କ ଠାରୁ ୨ଟି ମୋବାଇଲ ଫୋନ,୫ଟି ଏଟିଏମ୍ କାର୍ଡ଼ ୬୬୦୦ ଟଙ୍କା ସହ ଭୋଟ ପରିଚୟପତ୍ର ଓ ଆଧାର କାର୍ଡ଼ ମଧ୍ୟ ଜବତ କରାଯାଇଥିବା ସୂଚନା ମିଳିଛି । ଏହି କେସ୍ର ଅନୁସନ୍ଧାନକାରୀ ଅଧିକାରୀ ଭାବେ ଏସ୍ କେ ଆଚାର୍ଯ୍ୟ ରହିଥିବା ଜଣାପଡିଛି ।
