ଆନନ୍ଦପୁର: କେନ୍ଦୁଝର ଆନନ୍ଦପୁର ଦେଇ ଯାଇଥିବା ୨୦ ନଂ ଜାତୀୟ ରାଜପଥରେ ମର୍ମନ୍ତୁଦ ସଡକ ଦୁର୍ଘଟଣା । ସୁଆଁପଦା ଛକ ନିକଟରେ କାର୍ ଧକ୍କା ଦେବାରୁ ଜଣେ ବାଇକ୍ ଆରୋହୀଙ୍କ ମୃତ୍ୟୁ ଘଟିଥିବା ସୂଚନା ମିଳିଛି ।
ମୃତକଜଣଙ୍କ ହେଲେ ଘଷିପୁରା ଥାନା ସଠତିରା ଗାଁର ବିନୋଦ ବିହାରୀ ସାହୁ । ସେ କୌଣସୀ କାମରେ ପଦନା ଯାଉଥିବା ସମୟରେ ସୁଆଁପଦା ଛକ ନିକଟ ଏକ ରୋଡ୍ କ୍ରସିଂରେ ରାସ୍ତାପାର୍ ହେଉଥିଲେ । ଏତିକି ବେଳେ ବୀପରିତ ଦିଗରୁ ଆସୁଥିବା ଏକ କାର୍ ତାଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା ।
ସଂପୃକ୍ତ କାରରେ ମୟୂରଭଞ୍ଜ ଯସିପୁର ଅଞ୍ଚଳରୁ ଏକ ପରିବାର କଟକ ବଡ ମେଡିକାଲ ଯାଉଥିବା ଜଣାପଡିଛି । ଦୁର୍ଘଟଣା ପରେ ରାମଚନ୍ଦ୍ରପୁର ପୋଲିସ ଘଟଣା ସ୍ତଳରେ ପହଞ୍ଚି ତଦନ୍ତ ଆରମ୍ଭ କରିଛି ।
