ସୋନପୁର : ରାଜ୍ୟର ପ୍ରଥମ ଡିଜିଟାଲ୍ ଟ୍ରାନ୍ସଜିକସନ୍ ବ୍ୟବସ୍ଥା ଥିବା ସୁବର୍ଣ୍ଣପୁର ଜିଲ୍ଲା କୋଷାଗାର ଆଜି ରାଜ୍ୟ ଅର୍ଥ ଓ ଅବକାରୀ ମନ୍ତ୍ରୀ ନିରଞ୍ଜନ ପୂଜାରୀଙ୍କ ଦ୍ୱାରା ଉଦଘାଟିତ ହୋଇଯାଇଛି । ୧କୋଟି ୮୯ଲକ୍ଷ ବ୍ୟୟ ଅଟକଳରେ ଦ୍ୱିତଳ ପ୍ରସାଦଥିବା କୋଷାଗାର କାର୍ଯ୍ୟାଳୟରେ କଂପ୍ୟୁଟରୀକୃତ ବ୍ୟବସ୍ଥା ରହିଥିବାବେଳେ ଅର୍ଥ ନେଣଦେଣ କ୍ଷେତ୍ରରେ ଡିଜିଟାଲ୍ ଟ୍ରାନ୍ସଫରମାନ୍ସର ସୁବିଧା ଉପଲବ୍ଧ ରହିଛି । ଜିଲ୍ଲାପାଳ ମନୀଷା ବାନାର୍ଜୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦଘାଟନୀ ସମାରୋହରେ ଅର୍ଥ ତଥା ଅବକାରୀ ମନ୍ତ୍ରୀ ନିରଞ୍ଜନ ପୂଜାରୀ ଓ ରାଜ୍ୟ ଅର୍ଥ ବିଭାଗର ପ୍ରମୁଖ ଶାସନ ସଚିବ ଅଶୋକ କେ.କେ.ମୀନା ଅତିଥିଭାବେ ଯୋଗଦେଇ ନବ ନିର୍ମିତ ନୂତନ କୋଠାକୁ ଲୋକାର୍ପଣ କରିଛନ୍ତି । ଉଦଘାଟିତ ଜିଲ୍ଲା କୋଷାଗାର ସୁବର୍ଣ୍ଣପୁର ଜିଲ୍ଲାର ସମସ୍ତ ପ୍ରକାର ଅର୍ଥ ନେଣଦେଣକୁ ସହଜ ଓ ସରଳ ଭାବେ କରିବାକୁ ସକ୍ଷମ ଥିବାବେଳେ ବର୍ତ୍ତମାନର ଡିଜିଟାଲ ଟ୍ରାନଜିଙ୍କସନ୍ସ ଆହ୍ୱାନକୁ ନେଇ ବ୍ୟବସ୍ଥିତ ହୋଇଛି ବୋଲି ଅର୍ଥ ବିଭାଗର ପ୍ରମୁଖ ଶାସନ ସଚିବ ଅଶୋକ କେକେ ମୀନା କହିଛନ୍ତି ।
