ଚଣ୍ଡିଖୋଲ : ବଡଚଣା ଅଞ୍ଚଳରେ ସଟଡାଉନ, ଲକଡାଉନର ଫାଇଦା ଉଠାଉଥିବା ଗୋରୁ ମାଫିଆଙ୍କୁ ଦମନ କରୁଛି ବଡଚଣା ପୁଲିସ । ଗତ ମାସ ୧୦ ତାରିଖରେ ୪୭ ଗୋରୁ ବୋଝେଇ ଏକ କଣ୍ଟେନର ଜବତ କରି ୩ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି । ସେହିପରି ଶନିବାର ବିଳମ୍ବିତ ରାତ୍ରିରେ ବଡଚଣା ପୁଲିସ ଏକ ଟ୍ରକ୍ ବୋଝେଇ ଗାଡିକୁ ଜବତ କରି ୩ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରିଛି । ଅଭିଯୁକ୍ତଙ୍କ ଘର ଭଦ୍ରକ ଅଞ୍ଚଳର ବୋଲି ଜଣାପଡିଛି । ଏହି ଟ୍ରକରେ ଥିବା ୬୦ଟି ଗୋରୁକୁ ସୁରକ୍ଷିତ ସ୍ଥାନରେ ରଖାଯାଇଥିବା ଜଣାପଡିଛି । ବଡଚଣା ଥାନା ଅଧିକାରୀ ପ୍ରିୟବ୍ରତ ରାଉତଙ୍କ ଚଢାଉରେ ଛାନିଆ ହୋଇଯାଇଛନ୍ତି ବଡଚଣା ଅଞ୍ଚଳରେ ସକ୍ରିୟ ହୋଇଥିବା ଗୋରୁମାଫିଆମାନେ । ଏହା ଫଳରେ ବଡଚଣା ପୁଲିସ ଉପରେ ସାଧାରଣ ଜନସାଧାରଣଙ୍କର ଆସ୍ଥା ବଢୁଛି ।
