ବୌଦ୍ଧ,୧୫/୭ : ଗତକାଲି ବୌଦ୍ଧ ସହର, ପୁରୁଣାକଟକ ଓ ମଥୁରା ଅଂଚଳରୁ ୭ ଜଣଙ୍କ ଦେହରେ କରୋନା ପଜିଟିଭ ବାହାରିଥିବା ବେଳେ ଆଜି ଚାରିଛକ ଅଂଚଳରୁ ପୁଣି ୨ ଜଣ କରୋନା ସଂକ୍ରମଣ ଥିବା ରିପୋର୍ଟ ଆସିଛି । ଆଜିର ୨ ଜଣ ବ୍ୟକ୍ତିଙ୍କୁ ମିଶାଇଲେ ବୌଦ୍ଧ ଜିଲ୍ଲାର କରୋନା ପଜିଟିଭ ସଂଖ୍ୟା ୬୨ରେ ପହଞ୍ଚିଛି । ୪୫ ଜଣ ସଂକ୍ରମିତ ସୁସ୍ଥ ହୋଇ ଘରକୁ ଫେରିଥିବା ବେଳେ ବର୍ତ୍ତମାନ ୧୭ ଜଣଙ୍କ ଚିକିତ୍ସା ବୌଦ୍ଧ କୋଭିଡ ହେଲଥ ସେଣ୍ଟରରେ ଚାଲିଛି ।
ଆଜି ଯେଉଁ ଦୁଇ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି ସେମାନେ ପୁର୍ବରୁ ପଜିଟିଭ ଚିହ୍ନଟ ହୋଇଥିବା ଚାରିଛକ ବିଦ୍ୟୁତ ବିଭାଗ ଡ୍ରାଇଭରଙ୍କ ସଂସ୍ପର୍ଶରେ ଆସିଥିଲେ ଓ ଡ୍ରାଇଭରଙ୍କ କଣ୍ଟାକ୍ଟ ଟ୍ରେସିଂ ତାଲିକାରେ ତାଙ୍କର ନାମ ଆସିଥିବାରୁ ସେମାନଙ୍କର ସ୍ୱାବ ସଂଗ୍ରହ କରି ପରିକ୍ଷା ପାଇଁ ପଠାଯାଇଥିଲା ବୋଲି ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ଏଠାରେ ଉଲ୍ଲେଖଯୋଗ୍ୟ ଯେ ଚାରିଛକ ବିଦ୍ୟୁତ୍ ବିଭାଗ ଡ୍ରାଇଭରଙ୍କ ସହ ସଂସ୍ପର୍ଶରେ ଆସିଥିବା ୭୨ ଜଣ ବ୍ୟକ୍ତିଙ୍କୁ ଚିହ୍ନଟ କରିବା ପରେ ୩ ଦିନ ତଳେ ସମସ୍ତଙ୍କ ସ୍ୱାବ ସଂଗ୍ରହ କରାଯାଇ ପରୀକ୍ଷାଗାରକୁ ପଠା ଯାଇଥିଲା । ୭୨ ଜଣଙ୍କ ସ୍ୱାବର ସମସ୍ତ ରିପୋର୍ଟ ଆସିଛି କି ନାହିଁ ତାଙ୍କ ପାଖରେ ସୂଚନା ନାହିଁ ଓ ରିପୋର୍ଟକୁ ତର୍ଜମା କରାଗଲେ ଜଣାପଡିବ ବୋଲି ସିଡିଏମଓ କହିଛନ୍ତି ।
