ବୌଦ୍ଧ ,୭/୧- ଆଜି ବୌଦ୍ଧ ଥାନା ବଘିଆପଡା ଫାଣ୍ଡି କିରାସିରା ଗ୍ରାମରେ ଏକ ଅଭାବନୀୟ ଘଟଣା ଘଟି ଯାଇଛି | ଜଣେ ସଂପର୍କୀୟ ଭାଇର ଟାଂଗିଆ ଚୋଟରେ ଜଣେ ମୃତ୍ୟୁବରଣ କରିଛନ୍ତି | ମିଳିଥିବା ସୁଚନା ଅନୁଯାୟୀ କିରାସିରା ଗ୍ରାମର ନିରଞ୍ଜନ ନାଏକ (30) ଆଜି ସକାଳେ ଘର ପିଣ୍ଡାରେ ବସିଥିବା ବେଳେ ତାଙ୍କ ନିଜ କାକା ପୁଅ ଭାଇ ବିଦ୍ୟାଧର ନାଏକ ଆକ୍ରମଣ କରିଥିଲା l ନିରଞ୍ଜନ ତଳେ ପଡ଼ିଯିବା ପରେ ଏକ ଟାଙ୍ଗିଆରେ ହାଣି ମୁଣ୍ଡକୁ ଅଲଗା କରି ଦେଇଥିଲା l ହତ୍ୟାକାଣ୍ଡର ଖବର ପାଇ ବୌଦ୍ଧ ପୋଲିସ ଘଟଣାସ୍ଥଳରେ ପହଂଚି ତଦନ୍ତ କରୁଥିବା ଜଣାପଡିଛି l ହତ୍ୟାକାରୀ ଫେରାର୍ ହୋଇ ଯାଇଥିବା ଶୁଣିବାକୁ ମିଳେ l ପୈତୃକ ଜମି ବାଡି ସଂପତ୍ତିକୁ ଭାଗ ବଣ୍ଟlକୁ ନେଇ ଉଭୟ ପରିବାର ମଧ୍ୟରେ ବିବାଦ ଲାଗି ରହିଥିବା ଯୋଗୁଁ ଆଜି ଏହି କରୁଣ ପରିଣତି ଘଟିଥିବା ସୁଚନା ମିଳିଛି l
