ବୌଦ୍ଧ,୨୩/୧୨ – ଗତକାଲି ରାତିରେ ଜାତୀୟ ରାଜପଥ ନମ୍ବର 57ର ଚାରିଛକ ନିକଟରେ ଗୋଟିଏ ସଡକ ଦୁର୍ଘଟଣା ଘଟି 6 ଜଣ ଆହତ ହୋଇଥିବା ବେଳେ ଜଣଙ୍କର ଅବସ୍ଥା ଗୁରୁତର ଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ହରଭଙ୍ଗା ବ୍ଲକ୍ ଆଡେନିଗଡ ଗ୍ରାମ ପଞ୍ଚାୟତ ରାଣୀଗଞ୍ଜ ଗ୍ରାମରୁ 6 ଜଣ ବ୍ୟକ୍ତି ଅଟୋ ଭଡ଼ା କରି ପୁରୁଣାକଟକ ଗ୍ରାମକୁ ଆସୁଥିଲେ l ଚାରିଛକ ଆଁଶୁଲା ପାନ୍ଥିକା ରିସୋର୍ଟ ନିକଟରେ ଆଗରୁ ଆସୁଥିବା ଗୋଟିଏ ଟ୍ରକ ବିନା ଡିପରରେ ଆସୁଥିବାରୁ ଅଟୋ ଚାଳକ ରାସ୍ତା ପାର୍ଶ୍ବରେ ଥିବା ଗୋଟିଏ ବାଲିଗଦା ଉପରେ ଚଢିଯାଇ ଚକ ସ୍ଲିପ ହୋଇଯାଇ ଭାରସାମ୍ୟ ହରାଇଥିଲା l ପଛ ପଟରୁ ଗୋଟିଏ ହାଇୱା ଗାଡି ଦୃତ ଗତିରେ ଆସି ଅଟୋକୁ ଧକ୍କା ଦେଇ ପ୍ରାୟ 15 ଫୁଟ୍ ଦୂରକୁ ଘୋଷାଡ଼ି ନେଇଥିଲା l ଅଟୋରେ ଥିବା 6 ଜଣ ଯାତ୍ରୀ ଆହତ ହୋଇଥିଲେ | ଖବର ପାଇ ହରଭଙ୍ଗା ଦମକଳ ବାହିନୀ ଆହତଙ୍କୁ ଉଦ୍ଧାର କରି ପୁରୁଣାକଟକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲା l ଆହତ ମାନେ ହେଲେ ଅଟୋ ଚାଳକ ଚୈତନ୍ଯ ବେହେରା, ବିକାଶ ବେହେରା, ନାଭିଦିତ୍ୟ ବେହେରା, ଆକାଶ ବେହେରା, ଶ୍ରୀରାମ ବେହେରା, ପପୁ ବେହେରା,ଧବଳ ବେହେରା ବୋଲି ସୁଚନା ମିଳିଛି l ନାଭିଦିତ୍ୟ ବେହେରାଙ୍କ ଅବସ୍ଥା ଗୁରୁତର ଥିବା ଜଣାପଡିଛି l ପୁରୁଣାକଟକ ପୋଲିସ ଉଭୟ ଗାଡ଼ିକୁ ଜବତ୍ କରି ଅନୁସନ୍ଧାନ ଚଳାଇଥିବା ଜଣାପଡିଛି l
