ଦାରିଙ୍ଗବାଡ଼ି,୨/୧୦ : ଦାରିଙ୍ଗବାଡ଼ି ଥାନା ସିମନବାଡ଼ି ପଂଚାୟତ ଅନ୍ତର୍ଗତ ଡକରବାଡ଼ି ଗ୍ରାମରେ ବିଦ୍ୟୁତ ସର୍ଟସର୍କିଟି ଯୋଗୁଁ ଜଣେ ବ୍ୟକ୍ତିଙ୍କ ଘରେ ନିଆଁଲାଗି ଘର ସମ୍ପୂର୍ଣ୍ଣ ପୋଡିଯିବା ସହ ଘରର ଆସବାବପତ୍ର ନଷ୍ଟ ହୋଇଯାଇଥିବା ଦେଖିବାକୁ ମିଳିଛି । ଗ୍ରାମର ମିଥୁନ ଦିଗାଲଙ୍କ ଘର କୌଣସି କାରଣରୁ ସର୍ଟ ସର୍କିଟି ହୋଇ ଘରେ ନିଆଁ ଲାଗିଯାଇଥିଲା । ଘରେ ନିଆଁ ଲାଗିଥିବା ସମୟରେ ମିଥୁନ ଦିଗାଲଙ୍କ ପୁଅ ଆଦିତ୍ୟ ଦିଗାଲ ଘରେ ଶୋଇଥିବା ସମୟରେ ବାପା ମିଥୁନ ଦିଗାଲ ଜଙ୍ଗଲ କୁ ଖଲିପତ୍ର ଆଣିଯାଇଥିବା ବେଳେ ମାଆ ସବିତା ଦିଗାଲ ଅନ୍ୟ ଏକ ସାହି କୁ ନିଜ କାମ ପାଇଁ ଯାଇଥିଲେ । ହଟାତ ଘରେ ନିଆଁ ଲାଗିବା ଦେଖି ଆଦିତ୍ୟ ଘର ବାହାରକୁ ବାହାରି ପାଖପଡୋଶୀ ଲୋକଙ୍କୁ ଡାକିଥିଲା । ହେଲେ ଲୋକ ଆସି ନିଆଁ ଲିଭାଇବା ପାଇଁ ଚେଷ୍ଟା କରିଥିବା ବେଳେ ଘରେ ଗ୍ୟାସ ହାଣ୍ଡି ଥିବାରୁ କାଳେ ହାଣ୍ଡି ଫାଟିଯିବା ନେଇ ଲୋକେ ଭୟ କରିଯାଇ ଦାରିଙ୍ଗବାଡ଼ି ଅଗ୍ନିଶମ ବିଭାଗ କୁ ଫୋନ କରି ଜଣାଇଥିଲେ । ଅଗ୍ନିଶମ ବିଭାଗ ପହଂଚି ନିଆଁଙ୍କୁ ଆୟତ୍ତ କରିଥିଲେ ସୁଦ୍ଧା ଘର ସମ୍ପୂର୍ଣ୍ଣ ଜଳିଯାଇଥିଲା । ଘରେ ୧୦ ବସ୍ତା ଧାନ,ଦୁଇ ବସ୍ତା ଚାଉଳ ,ଚାଉଳ କାର୍ଡ ସହ ଅନ୍ୟାନ୍ୟ କାଗଜପତ୍ର,ସୁନା,ରୁପା,ନଗଦ ୨୦ ହଜାର ଟଙ୍କା, ଲୁଗାପଟା ଓ ଅନ୍ୟାନ୍ୟ ବ୍ୟବହାର ସମାନ ପୋଡି ପାଉଁଶ ହୋଇଯାଇଥିଲା ।
