ବୌଦ୍ଧ,୧୭/୧୧ – ପୁରୁଣା କଟକ ଥାନା ଥାନା ଅନ୍ତର୍ଗତ ତିଲେଶ୍ୱର ଗ୍ରାମ ପଞ୍ଚାୟତ ଟେଭାପଦର ଗ୍ରାମର ଅର୍ଜୁନ ପାତ୍ର (35)ଙ୍କୁ ହତ୍ୟା କରାଯାଇଥିବା ଅଭିଯୋଗ କରି ତାହାର ନିରପେକ୍ଷ ତଦନ୍ତ ଦାବି କରିଛନ୍ତି ତାଂକର ଧର୍ମପତ୍ନୀ l ଆଜି ସପରିବାର ବୌଦ୍ଧ ଆସି ଆରକ୍ଷୀ ଅଧୀକ୍ଷକଙ୍କୁ ସlକ୍ଷାତ କରି ଲିଖିତ ଅନୁରୋଧ କରିଥିଲେ | ଏଠାରେ ଉଲ୍ଲେଖଯୋଗ୍ୟ ଯେ ଗତ ଅକ୍ଟୋବର୍ 30 ତାରିଖ ଦିନ ଅର୍ଜୁନ ପାତ୍ରଙ୍କ ଶବ ଚାରିଛକ୍ ନିକଟ ସିଙ୍ଗାନୀବିଡl ଗ୍ରାମ ନିକଟ ଜାତୀୟ ରାଜପଥ ନମ୍ବର 57 କଡରେ ପଡିଥିବା ଦେଖିବାକୁ ମିଳିଥିଲା l ଶବର ଅନ୍ତଃ ବୁଜୁଳା ବାହାରି ପଡିଥିବା ବେଳେ ମୁଣ୍ଡ ସମ୍ପୂର୍ଣ୍ଣ ନଷ୍ଟ ହୋଇ ଯାଇଥିଲା l ଅର୍ଜୁନ ପାତ୍ରଙ୍କ ମ୍ରୁତ୍ୟୁ ଦୁର୍ଘଟଣା ନା ହତ୍ୟା ତାହାକୁ ନେଇ କଳ୍ପନା ଜଲ୍ପନା ପ୍ରକାଶ ପାଉଥିବା ବେଳେ ଆଜି ଏହା ଏକ ସୁପରିକଳ୍ପିତ ହତ୍ୟାକାଣ୍ଡ ବୋଲି ତାଂକର ଧର୍ମପତ୍ନୀ ଅଭିଯୋଗ କରିଛନ୍ତି | ଶବ ପଡିଥିବା ସ୍ଥାନରେ ରକ୍ତ ପଡିନଥିବାରୁ ଓ ମୁଣ୍ଡର ଖପୁରୀ ଆଦିର ହାଡ ନ ଥିବାରୁ କେହି ହତ୍ୟକଲା ପରେ ଦୁର୍ଘଟଣାର ଆଖ୍ୟା ଦେବାକୁ ଉଦ୍ୟମ କରିଥିବା ପରିବାର ଅଭିଯୋଗ କରିଛନ୍ତି | ସେଥିପାଇଁ ଏ ମାମଲାର ତଦନ୍ତ ଜଣେ ଦକ୍ଷ ପୋଲିସ୍ ଅଧିକାରୀଙ୍କ ଦ୍ବାରା କରାଯାଇ ଅଭିଯୁକ୍ତକୁ ଗିରଫ କରିବାକୁ ଦାବି କରିଛନ୍ତି |
