ବୌଦ୍ଧ,୨୪/୧୧- କଣ୍ଟାମାଳ ବ୍ଲକ ବରଗାଁ ୟୂଥ ଆଇକନ କ୍ଲବ୍ ଆନୁକୁଲ୍ୟରେ ଅନୁଷ୍ଠିତ କ୍ରିକେଟ୍ ଟୁର୍ଣ୍ଣାମେଣ୍ଟରେ କଲରାକୋଠା ଦଳ ବିଜୟୀ ହୋଇଛି | ଫାଇନାଲ ମ୍ୟାଚ୍ କଲରାକୋଠା ଓ ତେନ୍ତୁଳିଖୁଣ୍ଟି ଦଳ ମଧ୍ୟରେ ଅନୁଷ୍ଠିତ ହୋଇଥିଲା ଓ କଲରାକୋଠା ଦଳ ବିଜୟୀ ହେବା ଫଳରେ ଚାମ୍ପିଆନ ହୋଇଥିଲା | 8 ଓଭର ବିଶିଷ୍ଟ ଏ ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚରେ ମୁଖ୍ୟ ଅତିଥି ଭାବେ ମୁରଲୀ ସେଠୀ ଓ ସମ୍ମାନୀତ ଅତିଥି ଭାବେ ଶ୍ରୀବତ୍ସ ଖଟୁଆ ଯୋଗ ଦେଇ ଚାମ୍ପିଆନ ଟ୍ରଫି ଓ ରନର୍ସ ଟ୍ରଫି ସହ ଯଥାକ୍ରମେ 4 ହଜାର ଓ 3 ହଜାର ଟଂକା ପ୍ରଦାନ କରିଥିଲେ l ଆୟୋଜକ ଦଳର କ୍ୟାପ୍ଟେନ୍ ରଜତ କଲତା ଓ ଉପ କ୍ୟାପ୍ଟେନ୍ ଅଶ୍ୱିନୀ ରଣା ସହାୟତା କରିଥିଲେ |
