ବୌଦ୍ଧ / ବାଉଁଶୁଣି,୨୧/୧୦ – ଆଜି ସକାଳେ ବୌଦ୍ଧ ବ୍ଲକ୍ ବlଉଁଶୁଣି ଥାନା ଅନ୍ତର୍ଗତ ତାଲସରଡା ଗ୍ରାମ ପଂଚାୟତର ମାନେଶ୍ୱର ଗ୍ରାମର ବିଲମାଳ ମଧ୍ୟରୁ ଗୋଟିଏ ବାମର ଗଛ ତଳୁ ଜଣେ ଯୁବକଙ୍କ ମୃତ ଦେହ ଉଦ୍ଧାର କରାଯାଇଥିବା ସୂଚନା ମିଳିଛି l ମିଳିଥିବା ସୂଚନା ଅନୁଯାୟୀ ଆଜି ସକାଳେ ସ୍ଥାନୀୟ ଲୋକେ ମାନେଶ୍ୱର ଗ୍ରାମର ଗୋଟିଏ ବାମର ଗଛ ତଳେ ଗଛରେ ବନ୍ଧା ଯାଇ ଛିଡା ହୋଇଥିବା ଅବସ୍ଥାରେ ଜଣେ ଯୁବକଙ୍କ ଶବ ରହିଥିବା ଦେଖିବାକୁ ପାଇଥିଲେ l ତୁରନ୍ତ ଏ ସମ୍ପର୍କରେ ବlଉଁଶୁଣି ପୋଲିସ୍ କୁ ଖବର୍ ଦେଇଥିଲେ | ପୋଲିସ୍ ଘଟଣାସ୍ଥଳରେ ପହଂଚି ଶବକୁ ଜବତ କରି ପୋଷ୍ଟମୋଟମ ପାଇଁ ବୌଦ୍ଧ ଡାକ୍ତରଖାନା ପଠାଇଛି l ପୋଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ ମୃତ ଯୁବକ ଜଣକ ବୌଦ୍ଧ ବ୍ଲକ୍ ତେଲିବନ୍ଧ ଗ୍ରାମ ପଂଚାୟତ କମଳପୁର୍ ଗ୍ରାମର ଶ୍ରବଣ ଉର୍ମା (18 ବର୍ଷ ) ଓ ସେ ପାଲା ଶିକ୍ଷା କରିବା ପାଇଁ ମାନେଶ୍ୱର ଗ୍ରାମ ହରିଜନ ସାହିକୁ ଆସି ରହୁଥିଲେ l ଏହା ଗୋଟିଏ ହତ୍ୟାକାଣ୍ଡ ବୋଲି ପାରିପାର୍ଶ୍ବିକ ଅବସ୍ଥାକୁ ଦେଖି ସ୍ଥାନୀୟ ଲୋକେ ସନ୍ଦେହ କରୁଛନ୍ତି | ପୋଲିସ୍ ତଦନ୍ତ କଲେ ମୃତ୍ୟୁ ର କାରଣ ଜଣା ପଡିବ |
