ବୌଦ୍ଧ,୧୯/୨- ମନମୁଣ୍ଡା – କଣ୍ଟାମାଳ ରାସ୍ତାର ଗୁହିପିଟା ଛକ ନିକଟରେ ଗୁରୁବାର ମଧ୍ୟାନ୍ହ ସମୟରେ ଗୋଟିଏ ବାଇକ ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହେବାରୁ ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ କଣ୍ଟାମାଳ ଥାନା ଆମ୍ବଗାଁ ଅଞ୍ଚଳକୁ ଜଣେ ସଂପର୍କୀୟଙ୍କ ବିବାହ ଭୋଜିରେ ଯୋଗ ଦେବାକୁ ଏକ ବାଇକ ଯୋଗେ ବୀରମହାରାଜପୁର ଥାନା ଷଣ୍ଢl ଗ୍ରାମର ଚନ୍ଦ୍ରଶେଖର ସାହୁ (55) ଓ ମନମୁଣ୍ଡା ଥାନା ଋଷିବନ୍ଧ ଗ୍ରାମର କୃଷ୍ଣଚନ୍ଦ୍ର ସାହୁ (42) ଯାଉଥିଲେ l ମନମୁଣ୍ଡା – କଣ୍ଟାମାଳ ରାସ୍ତାର ଗୁହିପିଟା ଛକ ନିକଟରେ ବାଇକ ଓଡ଼ି 31 ବି 7258 ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଥିଲା | ସ୍ଥାନୀୟ ଲୋକେ ଉଭୟ ଗୁରୁତର ଆହତଙ୍କୁ ଉଦ୍ଧାର କରି ସୋନପୁର ଜିଲ୍ଲା ମୁଖ୍ୟ ଚିକିତ୍ସାଳୟ ରେ ଭର୍ତ୍ତି କରିଥିଲେ | ଚିକିତ୍ସlଧୀନ ଅବସ୍ଥାରେ ଚନ୍ଦ୍ରଶେଖରଙ୍କ ମ୍ରୁତ୍ୟୁ ହୋଇ ଯାଇଥିବା ବେଳେ କୃଷ୍ଣଚନ୍ଦ୍ର ଗୁରୁତର ଆହତ ଅବସ୍ଥାରେ ଚିକିତ୍ସlଧୀନ ରହିଛନ୍ତି l ଆଜି ମୃତ ଚନ୍ଦ୍ରଶେଖରଙ୍କ ଶବକୁ ବ୍ୟବଚ୍ଛେଦ କରା ଯିବାପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ଜଣାପଡିଛି l ମୃତକଙ୍କ ଭାଇ ଲକ୍ଷ୍ମଣ ସାହୁ ଏତାଲା ଦେବା ପରେ ମନମୁଣ୍ଡା ପୋଲିସ୍ ଏକ ମାମଲା ରୁଜୁ କରି ତଦନ୍ତ କରୁଥିବା ଜଣାପଡିଛି l
