ବୌଦ୍ଧ/ଜହ୍ନାପଙ୍କ, ୧୫/୨- ବୌଦ୍ଧ ବ୍ଲକ ଅନ୍ତର୍ଗତ ବହିରା ହାଇସ୍କୁଲ ଖେଳ ପଡ଼ିଆରେ ଜୟବଜରଙ୍ଗବାଲି ଫୁଟବଲ ଏସୋସିଏସନ ବହିରା ପକ୍ଷରୁ ତୃତୀୟ ବ୍ଲକସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଆଜି ଉଦଘାଟିତ ହୋଇଛି। ଏହି ଉପଲକ୍ଷେ ଆୟୋଜିତ ସଭାରେ ଆସୋସିଏସନର ସଭାପତି ନବକିଶୋର ଡ।ଙ୍ଗ ସଭାପତିତ୍ୱ କରିଥିଲେ।ମୁଖ୍ୟ ଅତିଥି ଭାବେ ଇଂ ରାକେଶ ତ୍ରିପାଠୀ, ମୁଖ୍ୟବକ୍ତା ଭାବେ ଆର ଡି ୱା ଓ ର ଉପଦେଷ୍ଟା ତଥା ସ୍ଥାନୀୟ ହାଇସ୍କୁଲ ଶିକ୍ଷକ ଦେଶବନ୍ଧୁ ମହାକୁଳ ଯୋଗଦେଇଥିବା ବେଳେ ଅନ୍ୟ ମାନଙ୍କ ମଧ୍ୟରେ ସଂଜୀତ ବେହେରା, ମୁକେଶ ବେହେରା, ଲଳିତ ନାଏକ,ୱାର୍ଡ ସଭ୍ୟ କୈଳାସ ନାଏକ, ଶାନ୍ତନୁ ବେହେରା ପ୍ରମୁଖ ମଂଚାସୀନ ଥିଲେ।ଉଦଘାଟନ ମ୍ୟାଚ ବହିରା ଓ କମ୍ପରା ଦଳ ମଧ୍ୟରେ ହୋଇଥିଲା।ଏଥିରେ କମ୍ପରା ଦଳ ୨-୦ ଗୋଲରେ ବିଜୟୀ ହୋଇଥିଲେ।
