ବୌଦ୍ଧ,୧/୧୨- ଆଜି ସନ୍ଧ୍ୟା ସମୟରେ ଚାରିଛକ -ଛତ୍ରଙ୍ଗ ରାସ୍ତାର କରଞ୍ଜକଟା ଗ୍ରାମ ନିକଟରେ ଦୁଇଟି ବାଇକ ମଧ୍ୟରେ ମୁହାମୁହିଁ ଧକ୍କାରେ ଜଣେ ବାଇକ ଆରୋହୀ ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ କରଞ୍ଜକଟା ଗ୍ରାମ ପଞ୍ଚାୟତ ବାହାଲି ଗ୍ରାମର ଶେଖର ମଲିକ (22) ଗୋଟିଏ ବାଇକ ଯୋଗେ ନିଜ ଗ୍ରାମକୁ ଫେରୁଥିବା ବେଳେ ବିପରିତ ଦିଗରୁ ଆସୁଥିବା ତିଲକୁପ୍ ଗ୍ରାମର ସଞ୍ଜୟ ମାଲିକଙ୍କ ବାଇକ ସହ ମୁହାମୁହିଁ ଧକ୍କା ହୋଇଥିଲା | ଫଳରେ ଶେଖର ମଲିକ ଗୁରୁତର ଆହତ ହୋଇଥିଲେ | ଖବର୍ ପାଇ ହରଭଙ୍ଗା ଦମକଳ ବାହିନୀ ତାଙ୍କୁ ଉଦ୍ଧାର କରି ପୁରୁଣାକଟକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲା l ଅନ୍ୟ ବାଇକ ଆରୋହୀ ସଞ୍ଜୟ ମଲିକ ମଧ୍ୟ ଆହତ ହୋଇଛନ୍ତି |
