ନୂଆଦିଲ୍ଲୀ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମନ୍ତ୍ରୀମଣ୍ଡଳର ସମ୍ପ୍ରସାରଣ କରିବେ । ସଂଧ୍ୟା ୬ଟାରେ ମନ୍ତ୍ରୀମଣ୍ଡଳ ସମ୍ପ୍ରସାରଣ କରାଯିବ ବୋଲି ଜଣାପଡ଼ିଛି । ତେବେ ମୋଦିଙ୍କ ଟିମରେ ଓଡ଼ିଶାରୁ କିଏ ନୂଆ ମୁହଁ ଭାବେ ସ୍ଥାନ ପାଇବେ ତାହାକୁ ନେଇ ନେଇ ଯେଉଁ ଚର୍ଚ୍ଚା ହେଉଥିବା ସେଥିରେ ଆପତତଃ ପୂର୍ଣ୍ଣଚ୍ଛେଦ ପଡିଛ । ଓଡିଶାରୁ ମୋଦିଙ୍କ ନୂଆ ମନ୍ତ୍ରିମଣ୍ଡଳରେ ମୟୂରଭଞ୍ଜ ସାଂସଦ ବିଶ୍ୱେ୍ୱଶ୍ୱର ଟୁଡୁ ଓ ଅଶ୍ୱନୀ ବୈଷ୍ଣବ ସ୍ଥାନ ପାଇବା ସ୍ପଷ୍ଟ ହୋଇଯାଇଛି । କାରଣ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଘରକୁ ଶ୍ରୀ ଟୁଡୁ ଓ ବୈଷ୍ଣବ ଯାଇଥିବା ସୂଚନା ମିଳିଛି । ପିଏମଓରୁ ଫୋନ ପାଇ ଶ୍ରୀ ଟୁଡୁ ମୋଦୀଙ୍କ ସେଭେନ ଲୋକକଲ୍ୟାଣ ମାର୍ଗସ୍ଥିତ ବାସଭବନକୁ ଯାଇଥିବା ସୂଚନା ମିଳିଛି । ସେ କହିଛନ୍ତି ତାଙ୍କୁ ସଂଧ୍ୟାରେ ୫ଟାରେ ରାଷ୍ଟ୍ରପତି ଭବନରେ ପହଞ୍ଚିବାକୁ କୁହାଯାଇଛି । ସେହିପରି ବୈଷ୍ଣବ ମଧ୍ୟ ପ୍ରଧାନମନ୍ତ୍ରୀଙ୍କ ବାସଭବନରୁ ଫୋନ କଲ ପାଇ ସେଠାକୁ ଯାଇଥିଲେ ।
