ସମ୍ବଲପୁର : ସ୍ଥାନୀୟ ରେଢାଖୋଲ ଉପଖଣ୍ଡ ଅନ୍ତର୍ଗତ ଡିମରିକୁଦ ନିକଟସ୍ଥ ଏକ ପୋଲ ଉପରେ ବୁଧବାର ବିଳମ୍ବିତ ରାତିରେ ଏକ ମୋଟର ସାଇକେଲ ଦୁର୍ଘଟଣାରେ ଦୁଇ ଯୁବକ ପ୍ରାଣ ହରାଇଛନ୍ତି । ନାକଟିଦେଉଳରୁ ରେଢାଖୋଲ ଆସୁଥିବା ସମୟରେ ସେମାନେ ଉକ୍ତ ଡିମରିକୁଦ ପୋଲ ଉପରେ ଦୁର୍ଘଟଣା ର ସମ୍ମୁଖୀନ ହୋଇଥିଲେ । ଅତ୍ୟନ୍ତ ଦୃତଗତିରେ ଆସୁଥିବାରୁ ଏହି ଦୁର୍ଘଟଣା ଏତେ ପ୍ରବଳ ଥିଲା ଯେ ଉଭୟଙ୍କ ମୃତ୍ୟୁ ଘଟଣାସ୍ଥଳରେ ହିଁ ହୋଇଥିଲା ବୋଲି ସ୍ଥାନୀୟ ସୂତ୍ରରୁ ପ୍ରକାଶ । ସେମାନଙ୍କ ଚିହ୍ନଟ ଅଭିଜିତ ପାଣିଗ୍ରାହୀ (୨୬) ଓ ରାମଚନ୍ଦ୍ର ପ୍ରଧାନ (୨୫) ରୂପେ କରାଯାଇଛି । ଏବିଷୟରେ ଖବର ପାଇ ରେଢାଖୋଲ ଥାନାରୁ ଏକ ପୁଲିସ ଦଳ ଉକ୍ତ ସ୍ଥାନରେ ପହଞ୍ଚି ଉଭୟଙ୍କ ମୃତଦେହ ଉଦ୍ଧାର କରିଛନ୍ତି ଓ ଶବ ବ୍ୟବଚ୍ଛେଦ ପାଇଁ ପଠାଛନ୍ତି । ଏ ବିଷୟରେ ସ୍ଥାନୀୟ ରେଢାଖୋଲ ଥାନାରେ ଏକ ମାମଲା ରୁଜୁ କରି ତଦନ୍ତ କରାଯାଉଛି ବୋଲି ପୁଲିସ ସୂତ୍ରରୁ ପ୍ରକାଶ ।
