ସମ୍ବଲପୁର : ସ୍ଥାନୀୟ ଜିଲ୍ଲା ଧନକଉଡା ବ୍ଲକ ଅନ୍ତର୍ଗତ ଡୁଙ୍ଗିପାଲି ଗ୍ରାମରେ ଅଁଳା ନବମୀ ଉପଲକ୍ଷେ ଏକ ପରିବେଶ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ପ୍ରଥମେ ଅଁଳା ବୃକ୍ଷକୁ ପୂଜାଅର୍ଚ୍ଚ଼ନା କରି କାର୍ଯ୍ୟକ୍ରମର ଶୁଭାରମ୍ଭ କରା ଯାଇଥିଲା ଏବଂ ପରେ ଗ୍ରାମର ସମସ୍ତ ମହିଳା ଓ ଶିଶୁମାନଙ୍କୁ ନେଇ ପରିବେଶ ସଚେତନତା ଉପରେ ଆଲୋଚନା ଚକ୍ର କରାଯାଇଥିଲା । ଏହି ସଭାରେ ବୃକ୍ଷରୋପଣ, ପରିବେଶ ସୁରକ୍ଷା ଓ ରକ୍ଷଣାବେକ୍ଷଣ ଉପରେ ଅତିଥିମାନଙ୍କ ଦ୍ୱାରା ଆଲୋଚନା କରା ଯାଇଥିଲା । ଏହି କାର୍ଯ୍ୟକ୍ରମରେ ଗୋପାଳ ରାଉତ ଓ ସୁରୁବୁଇ ରାଉତ ଦୁହେଁ ଅଁଳା ନବମୀର କର୍ତ୍ତା ହୋଇଥିବା ବେଳେ ମୁଖ୍ୟ ଅତିଥି ଭାବେ ପ୍ରକୃତି ବନ୍ଧୁ ତ୍ରିବିକ୍ରମ ପୋଢ଼, ପ୍ରକୃତି ବନ୍ଧୁ କିଶୋର ଛତର, ପ୍ରକୃତି ବନ୍ଧୁ ଦେବାଶିଷ ସାହୁ ପ୍ରଭୃତି ଉପସ୍ଥିତ ରହିଥିଲେ । ଅନ୍ୟମାନଙ୍କ ମଧ୍ୟରେ ଦୟାନିଧି ଲାକଡା, ଦୋଳାମଣୀ ଭୁଏ, ନୀଳିମା ଭୁଏ, ଅଙ୍କିତା ରାଉତ ଓ ସୈରେନ୍ଦ୍ରୀ ପୋଢ଼ ପ୍ରଭୃତି ଏଥିରେ ସହଯୋଗ କରିଥିଲେ ।
