ବୌଦ୍ଧ /ବାଉଁଶୁଣି : ବୌଦ୍ଧ ବ୍ଲକ୍ ବାଉଁଶୁଣି ଗ୍ରାମ ପଂଚାୟତର ୱାର୍ଡ ନମ୍ବର୍ ୭ ଓ ୮ ଟିକିରାପଡା ଗ୍ରାମରେ ଥିବା ସୌର ଶକ୍ତି ଚାଳିତ ପାନୀୟ ଜଳ ଯୋଗାଣ ପ୍ରକଳ୍ପ ୪ ମାସ ହେଲା ଅଚଳ ହୋଇ ରହିଥିବାରୁ ଲୋକେ ପାନୀୟ ଜଳ ସଂଗ୍ରହ ପାଇଁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ ହୋଇଛି । ରୋଷେଇ ଓ ପାନୀୟ ଜଳ ପାଇଁ ଲୋକେ ହନ୍ତସନ୍ତ ହେଉଥିବା ବେଳେ ବହୁ ଦୂରରୁ ପାଣି ଆଣିବାକୁ ଯାଉଥିବା ଦେଖିବାକୁ ମିଳୁଛି । ବୋରିଂ ରେ ଲାଗିଥିବା ମୋଟର ଖରାପ ଥିବାରୁ ଓ ରାୟପୁରକୁ ମରାମତି ପାଇଁ ପଠାଯାଇଛି ବୋଲି ପଂଚାୟତ ନିର୍ବାହୀ ଅଧିକାରୀ ପ୍ରାଣବନ୍ଧୁ ପ୍ରଧାନ ପ୍ରକାଶ କରିଛନ୍ତି । ତୁରନ୍ତ ଏ ପ୍ରକଳ୍ପକୁ ସଚଳ କରିବା ପାଇଁ ପଂଚାୟତ କର୍ତ୍ତୃପକ୍ଷ ଦୃଷ୍ଟି ଦେବାକୁ ଜନସାଧାରଣରେ ଦାବୀ ହେଉଛି ।
