ବୌଦ୍ଧ / ବାଉଁଶୁଣୀ,୧୨/୨ – ଆଜି ଅପରାନ୍ହ ପ୍ରାୟ ଘ. 3. 30 ମିନିଟ ସମୟରେ ଜାତୀୟ ରାଜପଥ ନମ୍ବର 57ର ବାଉଁଶୁଣି ମାଉଲୀ ମୁଣ୍ଡା ଛକ ନିକଟ ମହାରାଜା ହୋଟେଲ ସାମ୍ନାରେ ବୌଦ୍ଧ ପଂଚାୟତ ସମିତିର ଏକ ସରକାରୀ ଜିପ ସହ ବାଇକର ଧକ୍କା ହେବା ଫଳରେ ଦୁଇ ଜଣ ଛାତ୍ର ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ବୌଦ୍ଧ ବ୍ଲକ୍ ଜିପ ଓଡ଼ି 27 5995 ମନମୁଣ୍ଡା ପଟରୁ ବୌଦ୍ଧ ଆଡକୁ ଆସୁଥିବା ବେଳେ ମା ମାହେଶ୍ୱରୀ +2 ମାଧ୍ୟମିକ ବିଦ୍ୟାଳୟ, ବାଉଁଶୁଣୀ ରେ ନାମ ଲେଖାଇ ଦୁଇ ଜଣ ଛାତ୍ର ଏକ ବାଇକ ଯୋଗେ ବିପରୀତ ଦିଗରୁ ଯାଉଥିଲେ l ମାଉଲୀ ମୁଣ୍ଡା ଛକ ନିକଟ ମହାରାଜା ହୋଟେଲ ସାମ୍ନାରେ ଜିପ ଓ ବାଇକ ମଧ୍ୟରେ ଧକ୍କା ହୋଇଥିଲା | ବାଇକରେ ଥିବା ଉଭୟ ଛାତ୍ର ମୋହନ ଦୀପ (17) ଓ ଆକାଶ କୁମ୍ଭାର (20) ଗୁରୁତର ଆହତ ହୋଇଥିଲେ | ଉଭୟ ଛାତ୍ର ଶଗଡା ଗ୍ରାମ୍ ପଂଚାୟତ କନପା ଗ୍ରାମର ବୋଲି ଜଣା ପଡିଛି l ତୁରନ୍ତ ସେମାନଙ୍କୁ ସେଠାରୁ ଉଦ୍ଧାର କରି ସେହି ବ୍ଲକ୍ ଗାଡିରେ ହିଁ ବାଉଁଶୁଣୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା |
