ଭୁବନେଶ୍ୱର: କରୋନାରେ ଆକ୍ରାନ୍ତ ହେବା ପରେ ଏବେ ସୁସ୍ଥ ହେଉଛନ୍ତି ବିରୋଧୀ ଦଳ ନେତା ଓ ବିରୋଧୀ ଦଳ ଉପନେତା । ବିରୋଧୀ ଦଳ ନେତା ପ୍ରଦୀପ୍ତ ନାଏକ ଓ ଉପନେତା ବିଷ୍ଣୁ ସେଠୀ ସୁସ୍ଥ ହେଉଛନ୍ତି । ଏନେଇ ଭୁବନେଶ୍ୱର ଏମସ ଅଧୀକ୍ଷକ ସଚ୍ଚିଦାନନ୍ଦ ମହାନ୍ତି ସୂଚନା ଦେଇଛନ୍ତି । ସେ କହିଛନ୍ତି ଯେ, ପ୍ରଦୀପ୍ତଙ୍କୁ ୫୦ ଦିନ ହେଲା ଭେଣ୍ଟିଲେଟର ବାହାରେ ରଖାଯାଇଛି । ଏବେ ସେ ଆଇସିୟୁରେ ଅଛନ୍ତି । ଖିଆପିଆ ଓ ଚଲାବୁଲା କରୁଛନ୍ତି । ଖୁବଶୀଘ୍ର ତାଙ୍କୁ ଡିସଚାର୍ଜ କରାଯିବ । ସେହିପରି ବିଷ୍ଣୁ ସେଠୀଙ୍କ ସ୍ୱାସ୍ଥ୍ୟାବସ୍ଥା ଠିକ ଅଛି । ଅକ୍ସିଜେନ ସପୋର୍ଟ ନାହିଁ । ତାଙ୍କର କିଡନୀ ଜନିତ ସମସ୍ୟା ଥିଲା, ତାର ଏବେ ଚିକିତ୍ସା ଚାଲିଛି ବୋଲି ଭୁବନେଶ୍ୱର ଏମସ ଅଧୀକ୍ଷକ ସଚ୍ଚିଦାନନ୍ଦ ମହାନ୍ତି ସୂଚନା ଦେଇଛନ୍ତି ।
