ବୌଦ୍ଧ : ଆଜି ରାତି ୮ ଘଣ୍ଟା ସମୟରେ ଜାତୀୟ ରାଜପଥ ୫୭ର ବୃନ୍ଦାବନ (ଲୁହୁରାଗାଡଆ) ଗ୍ରାମ ନିକଟରେ ସଡକ ଦୁର୍ଘଟଣାରେ ଜଣେ ବୃଦ୍ଧା ଗୁରୁତର ଆହତ ହୋଇଛନ୍ତି । ମିଳିଥିବା ସୂଚନା ଅନୁଯାୟୀ ମାନସିକ ଭିନ୍ନକ୍ଷମ ଥିବା ଜଣେ ବୃଦ୍ଧା ରାଧାନଗର ଅଂଚଳରେ ଭିକ୍ଷାବୃତ୍ତି କରି ରହୁଥିଲେ । ଆଜି ରାତି ପ୍ରାୟ ୮ଘଣ୍ଟା ସମୟରେ ଏକ ଅଜଣା ପିକଅପ୍ ଗାଡି ତାଙ୍କୁ ଧକ୍କା ଦେଇ ଚାଲିଯାଇଥିଲା ।
ଖବର ପାଇ ପିସିଆର ଭ୍ୟାନ୍ ଓ ଦମକଳ ପହଞ୍ଚି ଗୁରୁତର ଆହତ ବୃଦ୍ଧାଙ୍କୁ ବୌଦ୍ଧ ଜିଲ୍ଲା ମୁଖ୍ୟ ଡାକ୍ତରଖାନାକୁ ଆଣି ଭର୍ତ୍ତି କରାଯାଇଥିଲା । କିଛି ସମୟ ପାଇଁ ସ୍ଥାନୀୟ ଲୋକେ ରାସ୍ତାରୋକ କରିଥିଲେ । ଆହତ ବୃଦ୍ଧାଙ୍କ ବୟସ ୫୨ ବର୍ଷ ହେବ ଓ ତାଙ୍କର ପରିଚୟ କାହାକୁ ଜଣାନଥିବା ପ୍ରକାଶ ।
