ଦଶପଲ୍ଲା : ଆଜି ଦିବା ୯ ଘଟିକା ସମୟରେ ଦଶପଲ୍ଲା ଥାନା ଅନ୍ତର୍ଗତ ସରିଗଣ୍ଡା ଗ୍ରାମ ନିକଟରୁ ଏକ ଗୋରୁ ବୋଝେଇ ପିକ୍ଅପ୍ ଭ୍ୟାନ୍କୁ ଜବତ୍ କରିଛି ଦଶପଲ୍ଲା ପୋଲିସ । ପ୍ରାପ୍ତ ସୂଚନା ଅନୁଯାୟୀ, ବୌଦ୍ଧ ଅଂଚଳରୁ ୮ ଟି ଗୋରୁଙ୍କୁ ଅତି ଦୟନୀୟ ଅବସ୍ଥାରେ ଓଡି ୦୫ ଏୱାଇ ୨୩୪୧ ନମ୍ବର ବିଶିଷ୍ଟ ଏକ ପିକ୍ଅପ୍ ଭ୍ୟାନ୍ ଯୋଗେ ବେଆଇନ ଚାଲାଣ କରାଯାଉଥିବା ବେଳେ ଦଶପଲ୍ଲା ଥାନା ଭାରପ୍ରାପ୍ତ ଅଧିକାରୀ ଜୟକୃଷ୍ଣ ପରିଡା ସରିଗଣ୍ଡା ନିକଟରେ ଗାଡିର ସାଜସଜ୍ଜାରେ ସନ୍ଦେହ ହେବାରୁ ଅଟକାଇଥିଲେ । ଗାଡିକୁ ଯାଞ୍ଚ୍ କରିବା ପରେ ତାଙ୍କ ସନ୍ଦେହ ସତରେ ପରିଣତ ହୋଇଥିଲା । ଖବର ଲେଖାଯିବା ମଧ୍ୟରେ ଦଶପଲ୍ଲା ପୋଲିସ ଛାନ୍ ଭିନ୍ ଜାରି ରଖିଛି ।
