ଦେବଗଡ଼ : ଦେବଗଡ଼ ମହାବିଦ୍ୟାଳୟ ଖେଳ ପଡ଼ିଆଠାରେ ଷ୍ଟାର୍ ଇଲେଭେନ୍ କ୍ରିକେଟ କ୍ଲବ୍,ପୁରୁଣାଗଡ଼ ଆନୁକୁଲ୍ୟରେ ୫ ଦିନିଆ କ୍ରିକେଟ ଟୁର୍ଣ୍ଣାମେଂଟ ମଙ୍ଗଳବାର ଉଦ୍ଘାଟିତ ହୋଇଯାଇଛି । ଉକ୍ତ ଟୁର୍ଣ୍ଣାମେଂଟର ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥିଭାବେ ରାଜ୍ୟ କାର୍ଯ୍ୟକାରିଣୀ ବିଜେପି ଯୁବମୋର୍ଚ୍ଚାର ସଦସ୍ୟ ସୁଧିରକୁମାର ବ୍ରହ୍ମା ଯୋଗ ଦେଇ ଖେଳାଳି ମାନଙ୍କୁ ଉତ୍ସାହୀତ କରିଥିବାବେଳେ ଆନୁଷ୍ଠାନୀକ ଭାବରେ ଖେଳକୁ ଉଦଘାଟନ କରିଥିଲେ । ପ୍ରତ୍ୟେକ ଦିନ ତିନୋଟି ମ୍ୟାଚ୍ ହେବାକୁ ସ୍ଥିର ହୋଇଥିବାବେଳେ ମଙ୍ଗଳବାର ପ୍ରଥମ ମ୍ୟାଚ୍ କୁରଡ଼ ଖତରା ଓ ପାଇକନଗର ମଧ୍ୟରେ ଅନୁଷ୍ଠିତ ହୋଇଥିଲା । ପାଇକନଗର ଦଳ ୬ ଉଇକେଟ ହରାଇ ୯୧ ରନ୍ ସଂଗ୍ରହ କରିଥିବାବେଳେ ଏହାର ଜବାବରେକୁରଡ଼ ଖତରା ଦଳ ୮ ଉଇକେଟ ହରାଇ ୧୧୯ ରନ୍ ସଂଗ୍ରହ କରି ପାଇକନଗର ଦଳକୁ ପରାସ୍ତ କରିଛି । ଖତରା ଦଳ ଫକ୍ଷରୁ ରାଜେଶ ପ୍ରଧାନ ୩୩ ଓ ଅମିତ ସାହୁ ୨୪ ରନ୍ କରିଛନ୍ତି ଏବଂ ଉଦୟ ସାହୁ ୩ ଓଭରରେ ୧୦ ରନ୍ ଦେଇ ୩ ଉଇକେଟ ଅକ୍ତିଆର କରିଛନ୍ତି । ଖେଳ ପରିଚାଳନା କରିଥିଲେ ସୌମ୍ୟ ରଞ୍ଜ ତିୱାରୀ ଓ କିରଣ ନାଏକ ଓ ସ୍କୋର ବୋର୍ଡ଼ରେ ପୁପୁନ୍ ମେହେରା, ଧାରା ବିବରଣୀ ସ୍ୱାଧିନ ଦାଶ ପ୍ରଦାନ କରିଥିଲେ । କ୍ଲବର ସଭାପତି ସୌବ୍ୟ କୁମାର ସାହୁ,ସଂମ୍ପାଦକ, ଅଭିନାଶ ମହାପାତ୍ର,ଏସ୍. ରଣା,ଅମ୍ବର ସ୍ୱାଇଁ.ରାହୁଳ ବେହେରା,ନନ୍ଦୁକିେ।।ର ବେହେରା,ଶୁଭମ୍ ମହାପାତ୍ର,କୁବେର ପ୍ରଧାନ ପ୍ରମୁଖ ସହଯୋ କରିଥିଲେ ।
