ବୌଦ୍ଧ – ବୌଦ୍ଧ ଜିଲ୍ଲାରେ ଆଜି ପୁଣି ନୂତନ ୧୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି । ଆଜିର ୧୨ ପଜିଟିଭକୁ ମିଶାଇ ଜିଲ୍ଲାରେ ମୋଟ୍ ପଜିଟିଭ ସଂଖ୍ୟା ୨୫୫୫ ରେ ପହଞ୍ଚିଲା । ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନଙ୍କ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଆଜି ଚିହ୍ନଟ ପଜିଟିଭ ମାନଙ୍କ ମଧ୍ୟରେ ବୌଦ୍ଧ ସହରାଞ୍ଚଳ ମଧ୍ୟରୁ ୨ ଜଣ, ହରଭଙ୍ଗା ବ୍ଲକ୍ ପରଗଲପୁର୍ ଗ୍ରାମରୁ ୧ ଜଣ, ବୀରରାମଚନ୍ଦ୍ରପୁର୍ ଗ୍ରାମରୁ ୧ ଜଣ, ପୁରୁଣାକଟକ ଗ୍ରାମରୁ ୧ ଜଣ, ବଉଦ ବ୍ଲକ୍ ବଲାସିଙ୍ଗାସ୍ଥିତ ଇଣ୍ଡିଆନ ରିଜର୍ଭ ବାଟାଲିୟନ୍ କ୍ୟାମ୍ପସ ମଧ୍ୟରୁ ୨ ଜଣ, କଣ୍ଟାମାଳ ବ୍ଲକ୍ ବଡ଼ଛପାପାଲୀ ଗ୍ରାମରୁ ୩ ଜଣ, ରୁଣ୍ଡୀମହୁଲ ଗ୍ରାମରୁ ୧ ଜଣ ଓ ଅନ୍ୟ ଜଣେ ବାହାରେ ପରିକ୍ଷା କରାଇ ପଜିଟିଭ ଚିହ୍ନଟ ହୋଇଥିବା ଜଣାପଡିଛି । ସେହିପରି ମୋଟ ଆକ୍ରାନ୍ତଙ୍କ ମଧ୍ୟରୁ ୨୩୫୫ ଜଣ ସୁସ୍ଥ ହୋଇ ସାରିଥିବା ବେଳେ ବର୍ତ୍ତମାନ ୧୯୨ ଜଣ ଚିକିତ୍ସାଧୀନ ଅଛନ୍ତି । ବର୍ତ୍ତମାନ ସୁଦ୍ଧା ଜିଲ୍ଲାରେ ସରକାରୀ ଭାବେ ୯ ଜଣ କରୋନା ଆକ୍ରାନ୍ତ ମ୍ରୁତ୍ୟୁ ବରଣ କରିଥିବା ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ବିରଞ୍ଚି ଧରୁଆ ଗଣମାଧ୍ୟମ ପ୍ରତିନିଧି ମାନଙ୍କୁ ସୂଚନା ଦେଇଛନ୍ତି ।
