ବୌଦ୍ଧ : ବୌଦ୍ଧ ଥାନା ରାଧାନଗର ଗ୍ରାମ ନିକଟ ଜାତୀୟ ରାଜପଥ ୫୭ ନମ୍ବରରେ ଏକ ମାଲବାହୀ ଟ୍ରକ୍ ଓଲଟି ପଡିଛି । ଏଥିରୁ ଅଳ୍ପକେ ରକ୍ଷା ପାଇଁ ଡ୍ରାଇଭର ଫେରାର ହୋଇଯାଇଥିବା ଜଣାପଡିଛି । ସୂଚନାରୁ ପ୍ରକାଶ ଯେ, ଆଜି ସକାଳ ୧୦ଟା ସମୟରେ ରାଧନଗର ପୋଖରୀ ନିକଟରେ କଟକରୁ ବିଦ୍ୟୁତ ସାମଗ୍ରୀ ନେଇ ବୌଦ୍ଧ ଆସୁଥିବା ଟ୍ରକ୍ ଓଡି ୦୫ ଏଆର୍୯୧୮୨ ଓଲଟି ପଡିଥିଲା । ଗାଡିର ଏକ୍ସସେଲ ଛିଣ୍ଡି ପଡିବାରୁ ଦୁର୍ଘଟଣା ଘଟିଥିବା କୁହାଯାଉଛଇ । ଦୁର୍ଘଟଣାସ୍ଥଳରୁ ଡ୍ରାଇଭର ଫେରାର ମାରିଥିବାରୁ ଦୁର୍ଘଟଣାର ସଠିକ୍ ସୂଚନା ମିଳିପାରିନାହିଁ । ବୌଦ୍ଧ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡିଛି ।
