ବୌଦ୍ଧ,୧୧/୩- ଜାତୀୟ ରାଜପଥ ନମ୍ବର 57ର ଜନ୍ହାପଙ୍କ ନିକଟ ପୋଡା ବଲସ ଛକରେ ବୁଧବାର ଅପରାନ୍ହ ପ୍ରାୟ ଘ. 4. 30 ମିନିଟ ସମୟରେ ଜଣେ ବୃଦ୍ଧଙ୍କୁ ଗୋଟିଏ କାର୍ ଧକ୍କା ଦେବାରୁ ବୃଦ୍ଧ ଜଣକ ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ସୋନପୁର ଜିଲ୍ଲା ସୁବଳୟା ଥାନା ଟିକିରlପଡାର ହଳଧର ମେହେର(65) କୌଣସି କାମରେ ନିଜ ସମ୍ପର୍କୀୟ ଘର ପୋଡା ବଲସ ଗ୍ରାମକୁ ଆସିଥିଲେ l ସେ ପୋଡା ବଲସ ଗ୍ରାମକୁ ଯାଉଥିବା ବେଳେ ଛକ ନିକଟରେ ଜାତୀୟ ରାଜପଥ ନମ୍ବର 57 ରେ ସୋନପୁର ପଟରୁ ବୌଦ୍ଧ ଆଡକୁ ଆସୁଥିବା ଏକ କାର୍ ଧକ୍କା ଦେଇଥିଲା l ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି 108 ଆମ୍ବୁଲାନସ୍ ଯୋଗେ ବୌଦ୍ଧ ଜିଲ୍ଲା ମୁଖ୍ୟ ଡାକ୍ତରଖାନାକୁ ପଠାଇଥିଲେ l ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ପରେ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡିଛି l ଦୁର୍ଘଟଣା ପରେ କାର୍ ସେଠାରୁ ଫେରାର ମାରିଥିଲା l ପ୍ରତ୍ଯକ୍ଷଦର୍ଶୀଙ୍କ କହିବା ଅନୁଯାୟୀ ଦୁର୍ଘଟଣା ଘଟାଇଥିବା କାର୍ ନମ୍ବର୍ ଓଡ଼ି 05 ଏଫ 5497 ବୋଲି ଜଣାପଡିଛି l ଜନ୍ହାପଙ୍କ ଫାଣ୍ଡିରେ କାର୍ ନମ୍ବର୍ ଦିଆଯାଇଥିବା ବେଳେ ପୋଲିସ୍ କାରକୁ ଜିଲ୍ଲା ମଧ୍ୟରେ ଅଟକାଇ ପାରିନଥିବା ସୁଚନା ମିଳିଛି l
