ବୌଦ୍ଧ/ବାଉଁଶୁଣୀ,୨୫/୧- ବୌଦ୍ଧ ବ୍ଲକ ବାଉଁଶୁଣୀ ରାଜସ୍ବ ସର୍କଲ ଅନ୍ତର୍ଗତ ବାଉଁଶୁଣୀ ମହାନଦୀ ଘାଟରୁ ଓ ଡମ୍ବରଗାଡ ଘାଟରୁ ପ୍ରତେକ ଦିନ ଶହ ଶହ ଟ୍ରିପ ବାଲି ଟ୍ରାକ୍ଟର ସାହାଯ୍ୟରେ ଚୋରା ଚାଲାଣ ହୋଉଛି ।ଏହା ଖବର ପାଇ ଆଜି ୨ ଗୋଟି ବାଲି ବୋଝେଇ ଟ୍ରାକ୍ଟର କୁ ଜବତ କରି ୨୦ ହଜାର ଟଙ୍କା ଫାଇନ କାଟିଥିବା ଜଣାପଡିଛି ।ଏହି ଚଢାଉ ରେ ବୌଦ୍ଧ ତହସିଲଦାର- ସନତ କୁମାର ନାଏକ ଓ ବାଉଁଶୁଣୀ ରାଜସ୍ବ ନୀରିକ୍ଷକ- ସୁଜିତ କୁମାର ସାହୁ ସାମିଲ ଥିଲେ ।୨ ଗୋଟି ଗାଡି କୁ ବାଉଁଶୁଣୀ ଥାନାରେ ଜିମା ଦେଇଥିବା ଜଣାପଡିଛି । ଜିଲ୍ଲାର ସମସ୍ତ ତହସିଲରେ ବ୍ୟାପକ ବାଲି ଚୋରାଚାଲାଣ ଚାଲିଥିବା ବେଳେ ଏହାକୁ ରୋକିବା ପାଇଁ ବୌଦ୍ଧ ତହସିଲଦାର ସନତ କୁମାର ନାଏକ କାର୍ଯ୍ୟାନୁଷ୍ଠାନକୁ ଜନସାଧାରଣରେ ପ୍ରଶଂସା କରାଯାଇଛି ।
