ପ୍ୟାରିସ : ଚଳିତ ବର୍ଷ ହେବାକୁ ଥିବା ଫ୍ରେଞ୍ଚ ଓପନରେ ରୋଜର ଫେଡରରର ଖେଳିବେ ବୋଲି ଜଣାପଡିଛି । ସେ ଏ ସଂପର୍କରେ ରବିବାର ଦିନ ସ୍ପଷ୍ଟ କରିଛନ୍ତି । ୩୯ ବର୍ଷିୟ ଏହି ଟେନିସ ତାରକା ଟ୍ୱିଟରରେ ଲେଖିଛନ୍ତି ହାଏ ! ସମସ୍ତଙ୍କୁ ଅଭିନନ୍ଦନ । ଆପଣମାନଙ୍କୁ ଜଣାଇ ଦେଉଛି ଯେ, ମୁଁ ଜିନେୱା ଓ ପାରିସରେ ଖେଳିବି । ମୁଁ ସ୍ୱିଜରଲାଣ୍ଡ ପକ୍ଷରୁ ଖେଳିବାକୁ ଆଉ ଅପେକ୍ଷା କରିପାରିବି ନାହିଁ । ଅଗଷ୍ଟ ମାସରେ ୪୦ ବର୍ଷରେ ପଦାର୍ପଣ କରୁଥିବା ଏହି ଖେଳାଳି ୨୦୨୧ରେ କେବଳ ଗୋଟିଏ ଟୁର୍ଣ୍ଣାମେଣ୍ଟ ଖେଳିପାରିବେ । ୨୦ଟି ଗ୍ଲାଣ୍ଡସ୍ଲାମ ଜିତିଥିବା ଫେଡରର ଚଳିତ ବର୍ଷ କତରରେ ଏକ ମ୍ୟାଚ ଜିତିଥିଲେ । ମେ ୩୦ରୁ ଫ୍ରେଞ୍ଚଓପନ ଆରମ୍ଭ ହେବ । ଫେଡରରଙ୍କ ନାମରେ ଏପର୍ଯ୍ୟନ୍ତ ୧୦୩ଟି ଟାଇଟଲ ରହିଛି । କିନ୍ତୁ ୨୦୧୫ ପରଠାରୁ ସେ କୌଣସି ଟ୍ରଫି ଜିତିନାହାନ୍ତି ।
